Popular Bible Verses from Salmo 31

Share

Magpakatatag kayo at lakasan ninyo ang inyong loob, kayong mga umaasa sa PANGINOON.

Ang aking kinabukasan ay nasa inyong mga kamay. Iligtas nʼyo po ako sa aking mga kaaway na umuusig sa akin.

O kay dakila ng inyong kabutihan; sa mga may takot sa inyo, pagpapalaʼy inyong inilaan. Nakikita ng karamihan ang mga ginawa nʼyong kabutihan sa mga taong kayo ang kanlungan.

Ngunit ako ay nagtitiwala sa inyo, PANGINOON. Sinasabi kong, “Kayo ang aking Dios!”

Dahil kayo ang bato na matibay na kong kanlungan, pangunahan nʼyo ako at patnubayan nang kayo ay aking maparangalan.

Ipinauubaya ko sa inyo ang aking sarili. Iligtas nʼyo ako, PANGINOON, dahil kayo ang Dios na maaasahan.

O, kayong tapat niyang mga mamamayan, mahalin ninyo ang PANGINOON. Iniingatan niya ang mga tapat sa kanya, ngunit lubos ang kanyang parusa sa mga mapagmataas.

PANGINOON, sa inyo ako humihingi ng kalinga. Huwag nʼyong hayaang mapahiya ako. Iligtas nʼyo ako dahil matuwid kayo.