Popular Bible Verses from Chiv Keeb 21

Share

Yawmsaub foom koob hmoov rau Xala raws li nws twb hais tseg lawm, thiab Yawmsaub ua rau Xala raws li nws cog lus cia.

Vajtswv hnov tus metub ntawd lub suab, mas Vajtswv tus tubtxib saum ntuj hu saum ntuj tuaj rau Haka tias, “Koj ua li cas lawm? Koj tsis txhob ntshai rau qhov Vajtswv twb hnov tus metub lub suab ntawm qhov chaw uas nws nyob lawm. Cia li sawv tsees mus tsa tus metub tuav rawv nws txhais tes, rau qhov kuv yuav pub kom nws ua ib haiv neeg loj.”

Xala thiaj xeeb tub thiab yug tau ib tug tub rau Aplahas rau thaum Aplahas laus heev thiab yog lub sijhawm uas Vajtswv tau hais rau nws lawm.

Mas Xala hais tias, “Vajtswv ua rau kuv luag zoo siab. Txhua tus uas tau hnov yuav nrog kuv luag thiab.”

Tiamsis Vajtswv hais rau Aplahas tias, “Tsis txhob nyuaj siab rau tus menyuam thiab koj tus nkauj qhev. Xala hais li cas rau koj cia li ua li ntawd, rau qhov koj caj ces yuav yog tshwm ntawm Yiha mus.

Tus nkauj qhev tus tub ntawd kuv yuav pub ua tau ib haiv neeg thiab vim nws yog koj li noob.”