Popular Bible Verses from Chiv Keeb 24

Share

Nws hais tias, “Au Yawmsaub, uas yog kuv tus tswv Aplahas tus Vajtswv, thov koj coj kuv txoj hauv kev kom tiav rau hnub no, thiab qhia txojkev hlub uas ruaj khov rau kuv tus tswv Aplahas.

Tus ntxhais uas kuv hais rau nws tias, ‘Thov txo koj lub taub dej rau kuv haus,’ ces nws hais tias ‘Haus maj thiab kuv yuav ntaus dej rau koj cov ntxhuav haus huvsi,’ mas thov cia tus ntawd yog tus uas koj tau teem cia ua koj tus tub qhe Yiha tus pojniam. Yog li no kuv thiaj paub tseeb tias koj qhia koj txojkev hlub uas ruaj khov rau kuv tus tswv Aplahas.”

Yiha txawm coj Lenpekha nkag rau hauv nws niam Xala lub tsev ntaub, thiab yuav Lenpekha ua nws pojniam, nws kuj nyiam Lenpekha. Nws niam txawm tuag lawm los Yiha thiaj rov zoo siab.

Lawv txawm foom koob hmoov rau Lenpekha hais tias, “Leej muam, thov koj tau ua qas txhiab qas vam neeg li niam. Thov kom koj caj ces tau yeeb ncuab lub rooj loog ua lawv tug.”

Mas kuv yuav kom koj tuav Yawmsaub uas yog Vajtswv kav saum ntuj thiab hauv lub ntiajteb lub npe cog lus twv tias, koj yuav tsis yuav cov neeg Khana‑as uas kuv nrog nyob no tej ntxhais ua kuv tus tub pojniam. Tiamsis koj yuav mus rau kuv lub qub tebchaws thiab rau kuv cov kwvtij, thiab yuav ib tug pojniam rau kuv tus tub Yiha.”