Popular Bible Verses from Yauhas 7

Share

Leejtwg tso siab rau kuv yuav muaj raws li Vajtswv txojlus uas sau cia hais tias, ‘Tej niag dej uas pub txojsia yuav txhawv ntws hauv tus ntawd lub siab los.’ ”

Hnub kawg uas lawv ua kevcai ntawd yog hnub tseem ceeb heev, Yexus sawv ntsug qw nrov hais tias, “Yog leejtwg nqhis, cia tus ntawd los cuag kuv thiab haus.

Qhov uas Yexus hais ntawd yog hais txog Vaj Ntsuj Plig uas cov uas tso siab rau Yexus yuav tau txais. Rau qhov tseem tsis tau pub Vaj Ntsuj Plig los vim Yexus tseem tsis tau txais lub hwjchim ci ntsa iab.

Tsis txhob txiav txim raws li lub qhov muag pom xwb, yuav tsum txiav raws li qhov ncaj.”

Tus uas hais raws nws lub siab xwb yeej nrhiav koob meej rau nws tus kheej. Tiamsis tus uas nrhiav koob meej rau tus uas txib nws los tus ntawd yeej hais tseeb, tsis muaj ib qho dag li.

Yexus teb lawv tias, “Tej lus uas kuv qhia tsis yog kuv li, tiamsis yog tus uas txib kuv los li.

Lub ntiajteb tsis muaj chaw ntxub nej tiamsis ntxub kuv vim kuv ua timkhawv tias tej uas ntiajteb ua mas phem kawg li.