Popular Bible Verses from Luka 23

Share

Yexus hais tias, “Au kuv Txiv, thov daws lawv lub txim, vim lawv tsis paub tias lawv ua dabtsi.” Lawv muab nws cev tsoos tsho los rho ntawv faib rau lawv.

Yexus hais rau nws tias, “Kuv hais tseeb rau koj tias, hnub no koj yeej yuav tau nrog kuv nyob hauv lub chaw zoo kawg nkaus.”

Ces nws txawm hais tias, “Yexus, thaum koj nkag rau hauv koj lub tebchaws thov koj nco txog kuv.”

Yexus txawm tsa suab qw nrov hais tias, “Kuv Txiv, kuv muab kuv tus ntsuj plig cob rau hauv koj txhais tes.” Yexus hais li ntawd tag nws txawm tu siav nrho.

Thaum lawv mus txog lub chaw uas hu tias roob Txha Taubhau, lawv txawm muab Yexus teem rau saum khaublig ntoo rau qhov ntawd, thiab muab ob tug neeg phem ntawd teem nrog Yexus, sab xis ib tug sab laug ib tug.

Thaum ntawd kwvlam tav su txawm tsaus ntuj ntais thoob plaws lub tebchaws mus txog hnub qaij peb teev. Lub hnub kuj tsaus nti, daim ntaub uas thaiv hauv lub tuam tsev txawm ntuag rhe ua ob daig.

Thaum tus thawj rog uas kav ib puas leej pom tej uas tshwm los no, nws txawm qhuas Vajtswv hais tias, “Tseeb tiag lauj, tus no yeej yog ib tug ncaj ncees.”