Popular Bible Verses from Luc 11

Share

Ala so ayeke azo ti sioni, ala hinga ti mu anzoni ye na amolenge ti ala. Tongaso, Babâ so ayeke na yayu, alingbi ti mu ande Yingo-Vuru na azo so ahunda ni na lo pepe?”

Ndani laa, mbi tene na ala: ala hunda ye si fade a yeke mu na ala; ala gi ye si fade ala yeke wara; ala pika yanga ti da si fade a yeke zi na ala.

Zo so ahunda ye, fade a yeke mu na lo; zo so agi ye, fade lo yeke wara; zo so apika yanga ti da, fade a yeke zi na lo.

Lo tene na ala: “Tongana ala yeke sambela, ala tene: Babâ, ayeke nzoni azo ane iri ti mo so ayeke nde si ayeke nzoni kue; ga, mo le-gbia na ndö ti azo.

Zi siokpari ti e na li ti e, ngbanga ti so e nga, e yeke zi siokpari na li ti azo so kue asara sioni na e. Sara si e ti na ya ti ye ti tarango be pepe.”

Mu na e na ya ti lango oko oko, kobe so alingbi na e.

Le ti mo ayeke tongana lamba ti tere ti mo. Tongana le ti mo ayeke nzoni, tere ti mo kue ayeke na ya ti vurungo ndo. Me tongana le ti mo abuba, tere ti mo kue ayeke na ya ti vukongo ndo.

“Zo ayeke zia wâ na ya ti lamba ti honde ni wala ti zia ni na gbe ti ta pepe. Me lo yeke zia ni na ndö ti mbeni ye na nduzu titene azo so ali abaa ndo na ni.