Popular Bible Verses from Luc 9

Share

Na pekoni, Jésus atene na ala kue, atene: “Tongana mbeni zo aye ti mu peko ti mbi, ayeke nzoni lo zia ti gbu li na ndö ti lo wani, lo yo keke ti kroa ti lo lakue si lo mu peko ti mbi.

Biani, zo so aye ti soo fini ti lo, fade lo yeke girisa ni; me zo so ayeke girisa fini ti lo ndali ti mbi, fade lo yeke soo ni.

Me Jésus atene na lo: “Zo so agbu masini ti fango na yaka si lo baa ndo na peko, lo lingbi ti ga zo ti *Kodro-gbia ti Nzapa pepe.”

Tongana zo awara aye ti dunia so kue si lo girisa fini ti lo, wala gigi ti lo abuba, nyen laa lo yeke wara na peko ni?

Tongana mbeni zo asara kamene ti mbi na ti atënë ti mbi, fade Molenge ti Zo ayeke sara nga kamene ti lo na lango so lo yeke ga na ya ti gonda ti lo, gonda ti Babâ ti lo nga na ti *a-ange so ayeke nde si ayeke nzoni kue.

Jésus atene na lo: “Anyama ti gbungo kondo ayeke na adu ti ala ti lango na ya ni; andeke ti nduzu ayeke na da ti lango ti ala. Me *Molenge ti Zo ayeke na mbeni ndo ti ziango li ti lo daa pepe.”

lo tene na ala: “Zo so ayamba kete molenge so na iri ti mbi, andaa mbi laa lo yamba mbi; zo so ayamba mbi, andaa lo yamba nga lo so atokua mbi. Zo so ayeke kete kete na popo ti ala, andaa lo laa lo yeke kota ahon ala kue.”