Popular Bible Verses from တမၢၼ်ႇ 1

Share

ၼႂ်းဝႃႈၼၼ်​သေၵေႃႈ၊ယၢမ်း​မိူဝ်ႈ​ဢၼ်​ဝိၺိၺ်ႇ​မူတ်းၸၢင်ႇ​ၸဝ်ႈ၊လူင်း​မႃး​ၵႃႈၼိူဝ်​သူ​ၼၼ်ႉ​ၸိုင်၊သူ​တၵ်း​လႆႈ​ၶၢမ်ႇ​ဢဝ်​ႁႅင်း​တၼ်းၶူဝ်း​လႄႈ​ပဵၼ်​သၢၵ်ႈသေႇ​ၵဝ်​ၸႃႉၸဵမ်​ၵႃႈၼႂ်း​ဝဵင်း​ ယေႇရုသလႅမ်ႇ၊ ၵႃႈၼႂ်း​မိူင်း​ ယုတႃႉ၊ ဢိၵ်ႇတင်း​မိူင်း​ သမႃႇရိ ၵူႈတီႈၵူႈလႅၼ်၊တေႃႇထိုင်ႁွတ်ႈ​တီႈသုတ်း​လိၼ်မိူင်း​ပုၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မၼ်းၸဝ်ႈ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ “ၶိင်ႇၵႃႇလႃႉ​တၢင်း​ဢၼ်​ပေႃႈၸဝ်ႈ​ဢဝ်​တင်း​ဢၶႂၢင်ႉ​ဢႃႇၼႃႇ​တူဝ်ၸဝ်ႈၵဝ်ႇ​ၶိုင်​ပွင်​ဝႆႉ​ၼၼ်ႉ၊သူ​ဢမ်ႇ​မီး​ဢၶႂၢင်ႉ​ဢၼ်​တၵ်း​လႆႈ​ႁု။

ယၢမ်း​မိူဝ်ႈ​ဢၼ်​ၶဝ်​ၸုတုမ်​ၵၼ်​ယူႇ​ၼၼ်ႉ​ၸိုင်၊မၼ်းၸဝ်ႈ​သင်ႇ​လၢတ်ႈ​ဝႆႉ​တီႈ​ၶဝ်​လႄႈ​ဝႃႈ​ၸမ်ႉ၊ “ယႃႇပေ​ႁိပ်ႈၼႅတ်ႈ​ဢွၵ်ႇ​သေ​ၵႃႈၼႂ်း​ဝဵင်း​ ယေႇရုသလႅမ်ႇ၊ ၵႂႃႇ။ ပႂ်ႉထႃႈ​သူး​ဢၼ်​ၵဝ်​လၢတ်ႈ​တီႈ​သူ​လူၺ်ႈ​လွင်ႈ​သူး​ပေႃႈၸဝ်ႈ​ၵဝ်​ဝႆႉၵတိ​ၼၼ်ႉ​ယူႇ​တႃႉ။- သြႃႇ ယူဝ်းႁၢၼ်ႇ၊ ပၼ်​မၢင်ႇၵလႃႇ​ပပ်ႉတိၸမ်ႇ​ၼႂ်း​ၼမ်ႉ​ဢေႃႈ။ သူ​ၸမ်ႉ၊ဢမ်ႇ​ပေႃး​ႁိုင်​ပေႃး​ၼၢၼ်း​တၵ်း​လႆႈ​ၶၢမ်ႇ​ဢဝ်​မၢင်ႇၵလႃႇ​ပပ်ႉတိၸမ်ႇ၊ၼႂ်း​ဝိၺိၺ်ႇ​မူတ်းၸၢင်ႇ​ၸဝ်ႈ​ဢေႃႈ။ မီး​မႃး​ၼင်ႇ​ၼႆ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ဝၢႆးသေ​မၼ်းၸဝ်ႈ​ၶၢမ်ႇတၢႆ​လႄႈ လုၵ်ႉ​ၶိုၼ်းလိပ်း​ယဝ်ႉ၊သီႇ​သိပ်း​ဝၼ်း​တဵမ်တဵမ်၊မၼ်းၸဝ်ႈ​ၼႄပျႃး​တူဝ်ၸဝ်ႈၵဝ်ႇ​တီႈ​ၶဝ်၊ႁေႃးလၢတ်ႈ​တြႃး​မိူင်းၽြႃးပဵၼ်ၸဝ်ႈ​သေလႄႈ​ၼႄပျႃး​သၢၵ်ႈသေႇ​ဢၼ်​ဢမ်ႇ​တွပ်ႇ​ဢမ်ႇ​ထဵင်​လႆႈ​ၼၼ်ႉ​ၼမ်ၼႃႇ၊လွင်ႈ​ဢၼ်​မၼ်းၸဝ်ႈ​ဢသၢၵ်ႈလိပ်း​ၼၼ်ႉ​ဢေႃႈ။

ဝၢႆးသေ​လၢတ်ႈ​ဝႃႈ​ၸိူဝ်ႉ​ၼင်ႇ​ၼႆ​ယဝ်ႉ​ၼၼ်ႉ၊ယၢမ်း​မိူဝ်ႈ​ဢၼ်​ၶဝ်​ယင်း​တိုၵ်ႉ​ယႅၵ်ႉ​တူၺ်း​မၼ်းၸဝ်ႈ​ယူႇ​ၸိုင်၊မၼ်းၸဝ်ႈ​လႆႈ​ၶၢမ်ႇ​တၢင်း​ဢၼ်​ဢုမ်ႈ​ယွင်ႈ​ၶိုၼ်ႈ​ၵႂႃႇ​ၵႃႈၼိူဝ်​မိူင်းၵၢင်ႁၢဝ်​ပုၼ်ႉ​သေလႄႈ​မွၵ်ႇၵုမ်ႈ​လပ်ႉ​တႃ​ၶဝ်​ၵႂႃႇ​သေ​ဢေႃႈ။

ၶဝ်​ယင်း​တိုၵ်ႉ​မုင်ႈ​တူၺ်း​ၵၢင်ႁၢဝ်​တီႈ​ဢၼ်​မၼ်းၸဝ်ႈ​ၶိုၼ်ႈ​ၵႂႃႇ​ယူႇ​လႄႈ​မိူဝ်ႈ​ၼၼ်ႉ၊ၵူၼ်း​သွင်​ၵေႃႉ​ၼုင်ႈ​ၶူဝ်း​ဢၼ်​ၽိူၵ်ႇၶၢဝ်​ၽုတ်း​မႃး​ၸုၵ်း​ႁိမ်း​ၶဝ်​သေယဝ်ႉ၊- လၢတ်ႈ​တီႈ​ၶဝ်​လႄႈ​ဝႃႈ၊ “ၵူၼ်း​ ၵႃႇလိလႄး၊ ၶဝ်႟။ ႁဵတ်းသင်​လႄႈ​သူ​ၸုၵ်း​ယူႇ​သေလႄႈ​ႁႅၼ်​တူၺ်း​ၵၢင်ႁၢဝ်​ယူႇ​ၼင်ႇ​ႁိုဝ်။ ၸဝ်ႈ​ယေႇသု၊ ဢၼ်​ၶၢမ်ႇ​တၢင်း​ဢၼ်​ယွင်ႈ​ၶိုၼ်ႈ​ၵႂႃႇ​ၵႃႈၼိူဝ်​ပုၼ်ႉ​ၼၼ်ႉ၊ၸိူဝ်ႉ​ၼင်ႇ​ဢၼ်​သူ​လႆႈ​ႁၼ်​မၼ်းၸဝ်ႈ​ၶိုၼ်ႈ​ၽႃႉ​ၵႂႃႇ​ၼၼ်ႉ၊တၵ်း​သမ်ႉ​ၶိုၼ်း​လူင်း​မႃး​ၸိူဝ်ႉ​ၼင်ႇ​ၼၼ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။