Popular Bible Verses from ငဝ်ႈ 32

Share

ၵေႃႉ​ၼၼ်ႉ​ၸင်ႇ​လၢတ်ႈ​ဝႃႈ၊ “ၸိုဝ်ႈသဵင်​မႂ်း​ၸိုင်၊ၵမ်းလိုၼ်း​တေ​ဢမ်ႇ​လႆႈ​ႁွင်ႉ​ႁဵၵ်ႈ​ဝႃႈ၊ ယႃႇၵုပ်ႈ၊ ယဝ်ႉ။ ပိူဝ်ႈ​ဢၼ်​မႂ်း​ၶဵင်ႇ​ၵၼ်​တင်း​ၽြႃးပဵၼ်ၸဝ်ႈ​ဢိၵ်ႇတင်း​ၵူၼ်း​ပႄႉၼႅင်ႇ​ယဝ်ႉ​လႄႈ​တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​ဝႃႈ၊ ဢိသရေး၊ ဢေႃႈ၊ဝႃႈ​ၼင်ႇ​ၼႆ​ဢေႃႈ။”

ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ “ပွႆႇ​ၵဝ်ၶႃႈ​သေၵမ်း။ မိူင်း​တေ​လႅင်း​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။ ယႃႇၵုပ်ႈ၊ ၵေႃႈ​လၢတ်ႈ​ဝႃႈ၊ “ပေႃး​ယင်း​ဢမ်ႇ​ပၼ်တၢင်းလီ​မၢင်ႇၵလႃႇ​တီႈ​ၵဝ်​ၸိုင်၊ၵဝ်ၶႃႈ​တေ​ဢမ်ႇ​ပွႆႇ​ၵူၺ်း၊” ဝႃႈ​ၼင်ႇ​ၼႆ​ဢေႃႈ။

မၼ်း​ၵိုတ်း​ယူႇ​ၵေႃႉလဵဝ်​ၵူၺ်း​ဢေႃႈ။ မိူဝ်ႈ​ၼၼ်ႉ​ၵူၼ်း​ၵေႃႉ​ၼိုင်ႈ​မႃး​ၵၼ်ႉ​ၵၼ်​တင်း​မၼ်း​တေႃႇထိုင်ႁွတ်ႈ​မိူင်းလႅင်း​ဢေႃႈ။

ယႃႇၵုပ်ႈ၊ လၢတ်ႈ​လႄႈ​ဝႃႈ၊ “ၵဝ်​လႆႈ​ႁူပ်ႉ​ထူပ်း​ၽြႃးပဵၼ်ၸဝ်ႈ​ၼႃႈ​တေႃႇၼႃႈ​ယဝ်ႉ။ ဢသၢၵ်ႈ​ၵဝ်​ယင်း​လႆႈ​ၶျၢမ်းသႃႇ​ယူႇ​ဢေႃႈ၊” ဝႃႈ​ၼင်ႇ​ၼႆ​သေယဝ်ႉ၊ႁွင်ႉ​ႁဵၵ်ႈ​တီႈ​ၼၼ်ႈ​ဝႃႈ၊ ပေႇလူၺ်ႇလႃႉ၊ ဢေႃႈ။

မိူဝ်ႈ​ဢၼ်​ၵေႃႉ​ၼၼ်ႉ​ႁု​လွင်ႈ​ဢၼ်​မၼ်း​ဢမ်ႇ​ၵၼ်ႉ​ပႄႉ​လႆႈ​ၼၼ်ႉ​လႄႈ​မၼ်း​တိူဝ်ႉ​ထုၵ်ႇ​သႂ်ႇ​ႁူဝ်​လုပ်ႇ​ငဝ်ႈၶႃ​ ယႃႇၵုပ်ႈ၊ လႄႈ​ငဝ်ႈၶႃ​ၵုမ်ႇ​မၼ်း​လုတ်ႈ​ၵႂႃႇ​ယၢမ်း​မိူဝ်ႈ​ဢၼ်​ယင်း​တိုၵ်ႉ​ၵၼ်ႉ​ၵၼ်​ယူႇ​ၼၼ်ႉ​ဢေႃႈ။

ၵေႃႉ​ၼၼ်ႉ​ၵေႃႈ​ထၢမ်​လႄႈ​ဝႃႈ၊ “မႂ်း​ၸိုဝ်ႈ​သင်၊” ယႃႇၵုပ်ႈ၊ ၶိုၼ်း​တွပ်ႇ​ဝႃႈ၊ “ၸိုဝ်ႈ​ ယႃႇၵုပ်ႈ၊ ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ယႃႇၵုပ်ႈ၊ ၵေႃႈ​လၢတ်ႈ​ဝႃႈ၊ “ၶႅၼ်းတေႃႈ​ၸဝ်ႈႁဝ်း​မွၵ်ႇလၢတ်ႈ​ၸိုဝ်ႈ​ၸဝ်ႈႁဝ်း​သေၵမ်း၊” ဝႃႈၼႆ​လႄႈ၊ ၵေႃႉ​ၼၼ်ႉ​လၢတ်ႈ​ဝႃႈ၊ “မႂ်း​ၶႂ်ႈ​ႁု​ၸိုဝ်ႈ​ၵဝ်​ႁဵတ်းသင်၊” ဝႃႈၼႆ​သေယဝ်ႉ၊ပၼ်တၢင်းလီ​တီႈ​ ယႃႇၵုပ်ႈ၊ ဢေႃႈ။

ၶႃႈၸဝ်ႈ​ဢမ်ႇ​ထိူၵ်ႈၶၢမ်ႇ​ဢဝ်​ၵရုၼႃႇ​ဢိၵ်ႇတင်း​သဵတ်ႈၸႃႇ​ၵႃႈ​ဢၼ်​ၸဝ်ႈႁဝ်း​ၼႄပျႃး​တီႈ​ၶႃႈၸဝ်ႈ​ၼၼ်ႉ​တီႈၶႃႈ။ မိူဝ်ႈ​ၼၼ်ႉ​ၵဝ်ၶႃႈ​ယိပ်းၵမ်​ၶွၼ်ႉတဝ်ႉ​ၵူၺ်း​သေလႄႈ​ၶၢမ်ႈ​ၼမ်ႉ​ ယေႃးတၢၼ်ႇ၊ ၵႂႃႇ​သေၵေႃႈ​တေႃႈလဵဝ်​ၸမ်ႉ၊လႆႈ​ၽႄ​ပဵၼ်​သွင်​မုၵ်ႉ​သွင်​ၸိူဝ်း​မႃး​ဢေႃႈ။

ပိူဝ်ႈ​ဢၼ်​မၼ်းၸဝ်ႈ​လႆႈ​တိူဝ်ႉ​ထုၵ်ႇ​သႂ်ႇ​ႁူဝ်​လုပ်ႇ​ငဝ်ႈၶႃ​ ယႃႇၵုပ်ႈ၊ မႅၼ်ႈ​တီႈ​ဢဵၼ်​ႁူဝ်​ၶႃ​ၼၼ်ႉ​လႄႈ​ၵူၼ်း​မဵဝ်း​ ဢိသရေး၊ ၶဝ်​လႆႈ​မီး​ထုင်းၸၢမ်ႇ​ဢၼ်​ဢမ်ႇ​ၵိၼ်​ဢဵၼ်​လူင်​ႁူဝ်​လုပ်ႇ​ငဝ်ႈၶႃ​ၼၼ်ႉ​ႁၢၼ်ႉ​တေႃႇ​မိူဝ်ႈၼႆႉ​ဢေႃႈ။

ၵမ်း​ၼၼ်ႉ၊ ယႃႇၵုပ်ႈ၊ သူးတွင်း​လႄႈ​ဝႃႈ၊ “ၽြႃးပဵၼ်ၸဝ်ႈ​ပူႇ​ၵဝ်ၶႃႈ​ ဢႃႇပြႃႇႁၢမ်ႇ၊ ၽြႃးပဵၼ်ၸဝ်ႈ​ပေႃႈ​ၵဝ်ၶႃႈ​ ဢိၸၢၵ်ႈ၊ထႃႇဝရႃႉ​ၽြႃး၊ ဢၼ်​လၢတ်ႈ​တေႃႇ​ၵဝ်ၶႃႈ​လႄႈ​ဝႃႈ၊ ‘ၶိုၼ်း​မိူဝ်း​ၵႂႃႇၸူး​မိူင်း​မႂ်း​တႃႉ၊ၵဝ်​တၵ်း​ႁဵတ်း​ၵျေးၸူး​တီႈ​မႂ်း​ဢေႃႈ၊’ ဝႃႈ​ၼင်ႇ​ၼႆ​ၼၼ်ႉ​တီႈၶႃႈ႟။

ပိူဝ်ႈ​ၼႆ​လႄႈ​တေႃႈလဵဝ်​ၼႆႉ​ၵႄႇၼုၵ်ႈ​ဢဝ်​ၶႃႈၸဝ်ႈ​သေ​ၵႃႈၼႂ်း​မိုဝ်း​ပီႈ​ ဢေးသေႃး၊ သေၵမ်း​တီႈၶႃႈ။ ၶႃႈၸဝ်ႈ​ၵူဝ်ႁႄ​မၼ်း​လႄႈ​မႆႈၸႂ်​လူၺ်ႈ​လွင်ႈ​ဢၼ်​မၼ်း​တၵ်း​တိုၵ်းတေႃး​ယႃႉပႅတ်ႈ​ၶႃႈၸဝ်ႈႁဝ်း​ၶဝ်​ပေႃႈ​မႄႈ​လုၵ်ႈ​ၵူႈ​ၵေႃႉ​ၼၼ်ႉ​ၼႃႇ​လူင်လၢင်​ၶႃႈ​ဢေႃႈ။