Popular Bible Verses from ယူဝ်း 13

Share

ၵဝ်​ပၼ်​ပိင်းၺၢပ်ႈတြႃး​ဢၼ်​မႂ်ႇ​တီႈ​သူ​မိူဝ်ႈလဵဝ်​ၼႆႉ​ၸမ်ႉ၊သူ​ၼင်ႇ​ၵၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ။ ၸိူဝ်ႉ​ၼင်ႇ​ဢၼ်​ၵဝ်​ႁၵ်ႉ​သူ​ၼၼ်ႉ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​တႃႉ။- ပေႃး​သူ​ႁၵ်ႉ​ၵၼ်​ၸိူဝ်ႉ​ၼင်ႇ​ၼႆ​ၸိုင်၊ၵူၼ်း​တင်းသဵင်ႈတင်းလူင်​တၵ်း​ႁု​ဝႃႈ​သူ​ပဵၼ်​တပႄး​ၵဝ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵဝ်​ပဵၼ်​ၸဝ်ႈ​သြႃႇ​သူ၊ပဵၼ်​ၸဝ်ႈၽြႃး​သူ​လႄႈ​ယင်း​သုၵ်ႈ​ပၼ်​တိၼ်​သူ​ယဝ်ႉ။ သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ထုၵ်ႇလီ​သုၵ်ႈ​တိၼ်​ပၼ်​ၵၼ်​ဢေႃႈ။- ၵဝ်​ႁဵတ်း​ၼႄ​ပုင်ႇ​သၢၵ်ႈသေႇ​ဝႆႉ​တီႈ​သူ​ယဝ်ႉ။ သူ​ၵေႃႈ​တၵ်း​လႆႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​ႁဵတ်း​ၼၼ်ႉ​ဢေႃႈ။

မၼ်းၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ “ဢၼ်​ၵဝ်​ႁဵတ်း​ယူႇ​ၼႆႉ​မိူဝ်ႈလဵဝ်​မႂ်း​ဢမ်ႇ​ပႆႇ​ႁု​လွင်ႈ​မၼ်း။ ၵူၺ်းၵႃႈ၊ဝၢႆးလိုၼ်း​မႂ်း​တၵ်း​ႁု​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵဝ်​ဝႃႈ​တီႈ​ၸိုဝ်ႈၸႂ်ႈ​မၼ်း​တီႈ​သူ​ၸမ်ႉ၊ၶႃႈ​ဢမ်ႇ​ယႂ်ႇ​မျၢတ်ႈ​သေ​ၸဝ်ႈ​မၼ်း။ ၵေႃႉ​ဢၼ်​ၶၢမ်ႇ​တၢင်း​ဢၼ်​ပွႆႇၸႂ်ႉ​ၵႂႃႇ​ၵေႃႈ​ဢမ်ႇ​ယႂ်ႇ​မျၢတ်ႈ​သေၵေႃႉ​ဢၼ်​ပွႆႇၸႂ်ႉ​မၼ်း​ၼၼ်ႉ။

တေႃႈလဵဝ်​ၼႆႉ​သူ​ႁု​တြႃး​ၼႆႉ​ယဝ်ႉ၊ႁဵတ်း​ၸွမ်း​တႃႉ။ သူ​တၵ်း​မီး​မၢင်ႇၵလႃႇ​ဢေႃႈ။

ပိူဝ်ႈ​ၼႆ​လႄႈ​မၼ်းၸဝ်ႈ​လုၵ်ႉ​ဢွၵ်ႇ​ၽိူၼ်ၶဝ်ႈ​ၵႂႃႇ​ထွတ်ႇ​သိူဝ်ႈယၢဝ်း​မၼ်းၸဝ်ႈ​သေယဝ်ႉ၊ဢဝ်​ၽႃႈၸဵတ်ႉ​တူဝ်​ဝဵၼ်း​ဢႅဝ်​ယဝ်ႉ​ၸင်ႇ၊- ထွၵ်ႇ​ၼမ်ႉ​သႂ်ႇ​ၼႂ်း​ဢၢင်ႇ​သုၵ်ႈ​တိၼ်​သေ​သုၵ်ႈ​ပၼ်​တိၼ်​တပႄးၸဝ်ႈ​တင်းလၢႆ​လႄႈ၊သမ်ႉ​ဢဝ်​ၽႃႈၸဵတ်ႉ​တူဝ်​ဢၼ်​ဝဵၼ်း​ဢႅဝ်​မၼ်းၸဝ်ႈ​ၼၼ်ႉ​ၸဵတ်ႉ​ပၼ်​ဢေႃႈ။