Popular Bible Verses from ယူဝ်း 19

Share

ၸဝ်ႈ​ယေႇသု၊ ၶၢမ်ႇ​ဢဝ်​ၼမ်ႉမၢၵ်ႇၸပိတ်ႉ​သူမ်ႈ​ၼၼ်ႉ​သေယဝ်ႉ​လၢတ်ႈ​ဝႃႈ၊ “လွင်ႈတၢင်း​ယဝ်ႉ​တူဝ်ႈ​ယဝ်ႉ၊” ဝႃႈ​ၼင်ႇ​ၼႆ​သေလႄႈ၊ ႁူဝ်​မၼ်းၸဝ်ႈ​ၵူမ်ႈ​တူၵ်း​ၵႂႃႇ​လႄႈ​ပူတ်းၸႂ်​တၢႆ​ၵႂႃႇ​ဢေႃႈ။

လိုၼ်းၼၼ်ႉ၊ ၸဝ်ႈ​ယေႇသု၊ ႁု​လွင်ႈ​ဢၼ်​တင်းသဵင်ႈတင်းလူင်​ယဝ်ႉ​တူဝ်ႈ​ယၢမ်း​မိူဝ်ႈ​ၼၼ်ႉ​လႄႈ ၼင်ႇ​ႁိုဝ်​ၵႂၢမ်း​ၵျၢမ်းလိၵ်ႈ​ဢၼ်​တႅမ်ႈ​ဝႆႉ​တၵ်း​ပဵၼ်​ၸွမ်း​ၸိုင်၊မၼ်းၸဝ်ႈ​လၢတ်ႈ​ဝႃႈ၊ “ၵဝ်​ယၢၵ်ႇၼမ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ဢၼ်​ ၸဝ်ႈ​ယေႇသု၊ ႁၼ်​မႄႈၸဝ်ႈ၊ဢိၵ်ႇတင်း​တပႄးၸဝ်ႈ​ဢၼ်​မၼ်းၸဝ်ႈ​ႁၵ်ႉ​ၼၼ်ႉ​ၸုၵ်း​ယူႇ​ႁိမ်း​ၵၼ်​ၼၼ်ႉ​ၸိုင်၊မၼ်းၸဝ်ႈ​လၢတ်ႈ​တီႈ​မႄႈၸဝ်ႈ​လႄႈ​ဝႃႈ၊ “မၢတ်ႈ​မၼ်း​ပဵၼ်​လုၵ်ႈၸၢႆး​မႄႈ​ႁဝ်း​တႃႉ၊” ဝႃႈ​ၼင်ႇ​ၼႆ​သေယဝ်ႉ။ သမ်ႉ​လၢတ်ႈ​တီႈ​တပႄးၸဝ်ႈ​ၼၼ်ႉ​လႄႈ​ဝႃႈ၊ “မၢတ်ႈ​မၼ်း​ပဵၼ်​မႄႈ​မႂ်း​တႃႉ၊” ဝႃႈ​ၼင်ႇ​ၼႆ​ဢေႃႈ။ တႄႇၸႃႉ​ဢဝ်​ၸဵမ်မိူဝ်ႈ​ၼၼ်ႉ​လႄႈ​တပႄးၸဝ်ႈ​ၼၼ်ႉ​ႁွင်ႉ​ဢဝ်​မႄႈၸဝ်ႈ​ၵႂႃႇ​ယူႇ​ၵႃႈတီႈ​ႁိူၼ်း​မၼ်း​ဢေႃႈ။

ၵူၺ်းၵႃႈ၊မိူဝ်ႈ​ဢၼ်​ၶဝ်​မႃး​တီႈ​ ၸဝ်ႈ​ယေႇသု၊ ၼၼ်ႉ​ၸိုင်၊ၶဝ်​ႁၼ်​မၼ်းၸဝ်ႈ​ပူတ်းၸႂ်​တၢႆ​ယဝ်ႉ​လႄႈ​ၶဝ်​ဢမ်ႇ​ႁၵ်း​ၶႃ​ၸဝ်ႈ​ယဝ်ႉ။- ၼႂ်း​ၵူၼ်းသိုၵ်း​ၸိူဝ်း​ၼၼ်ႉ​ၵေႃႉ​ၼိုင်ႈ၊ဢဝ်​ႁွၵ်ႇ​တႅင်း​သႂ်ႇ​ပဵမ်ႉ​ၸဝ်ႈ​လႄႈ​လိူတ်ႈ​တင်း​ၼမ်ႉ​လႆ​ဢွၵ်ႇ​မႃး​ဢေႃႈ။

လွင်ႈတၢင်း​ၼႆႉ​ၸိုင်၊ႁႂ်ႈ​ၵႂၢမ်း​ၵျၢမ်းလိၵ်ႈ​ဢၼ်​တႅမ်ႈ​ဝႆႉ​ဝႃႈ၊ “လုပ်ႇ​မၼ်းၸဝ်ႈ​ဢၼ်​ၼိုင်ႈ​ၵေႃႈ​တေ​ဢမ်ႇ​လႆႈ​ႁၵ်း၊” ဝႃႈ​ၼင်ႇ​ၼႆ​ၼၼ်ႉ​လႄႈ​သင်၊- ၶေႃႈၵႂၢမ်း​ဢၼ်​ၵျၢမ်းလိၵ်ႈ​တၢင်ႇတီႈ​တႅမ်ႈ​ဝႆႉ​ဝႃႈ၊ “ၵူၼ်း​တင်းလၢႆ​တၵ်း​လႆႈ​ဢွၼ်ၵၼ်​တူၺ်း​ႁၼ်​ၵေႃႉ​ဢၼ်​ၶဝ်​တႅင်း​ပွင်ႇ​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ၼၼ်ႉ​ပဵၼ်​ၸွမ်း​ဢေႃႈ။

ၸဝ်ႈ​ယေႇသု၊ မႅၵ်ႇ​သဝ်မႆႉဝႃးမိုဝ်း​တူဝ်ၸဝ်ႈၵဝ်ႇ​သေလႄႈ​ဢွၵ်ႇ​ၵႂႃႇၸူး​ၵႃႈတီႈ​ဢၼ်​ႁွင်ႉ​ႁဵၵ်ႈ​ဝႃႈ၊ၵွင်း​ၵွၵ်းႁူဝ်​ဢၼ်​ၼႂ်း​ၵႂၢမ်း​ ႁေႇပြႄး၊ ႁွင်ႉဝႃႈ၊ ၵေႃးလႃႉၵေႃးထႃႉ၊ ၼၼ်ႉ​ဢေႃႈ။

ၵူၼ်းသိုၵ်း​တင်းလၢႆ​ဢဝ်​ၶိူဝ်း​ၼၢမ်​ၶူၺ်ႇ​ႁဵတ်း​သရၽူႇ​သေယဝ်ႉ၊သုပ်း​တိုဝ်း​ပၼ်​ၵႃႈၼိူဝ်​ႁူဝ်​မၼ်းၸဝ်ႈ​လႄႈ၊ဢဝ်​သိူဝ်ႈယၢဝ်း​ဢၼ်​လႅင်ၵမ်ႇ​ၼုင်ႈ​ပၼ်​မၼ်းၸဝ်ႈ​ဢေႃႈ။