Popular Bible Verses from Jon 10

Share

An-ngumurda ana-boya ana-workiya mun-nga mun-ngumurda mu-mangga a-workiya rrapa an-nga a-burnda a-workiya rrapa gun-nga gun-nerra gu-nenga a-workiya. Wurra ngaypa nguna-bona aburr-ngaypa gu-galiya yerrcha barra wanngu nguburr-nega, minypa burr-guya wanngu aburr-ni barra.

“Ngaypa minypa ngu-molamola jip jaga ng-ganaja achila ngu-workiya. Minypa ana-nga an-molamola an-gugaliya jip jaga a-ganaja achila a-workiya, nipa jiny-jarlapurda jiny-janyja a-workiya marrban nipa a-juwa.

Aburr-ngaypa jip ngunabu-malawuja manyjirda ngu-jirra rrapa aburr-galiyarra apula. Ngaypa marn․gi burrwa rrapa birripa ngunabu-jurrjurrmunga.

Ngaypa nguburr-wucha ngu-workiya wanngu gun-guni rrapa gala aburr-yinmiya aburr-juwa. Aburr-ngaypa gu-galiya yerrcha ngaypa ngubin-dimanga gala a-yinmiya rrapa ana-nga nguna-murnamagaypa.

Ngaypa minypa ng-guna ngana gu-jirra, rrapa minyja ana-nga a-barrnguma barra gun-guna, ngaypa wanngu ngu-nega barra. Minypa a-barrnguma barra a-workiya rrapa a-bengga barra a-workiya, gu-barripa barra rrawa balaja gu-murna.

Ngaypa jarra ngu-molamola jip jaga ng-ganaja achila ngu-workiya. Ngaypa marn․gi jin-ngaypa jip rrapa jin-ngaypa jip marn․gi apula ngaypa

Ngun-anya nguna-wunapa nipa wana an-babalapa, rrapa gala ana-nga a-murnamagaypa Ngun-anya. Ngaypa rrapa nipiya Ngun-anya nyirri-ngardapiya,”

gun-maywapa minypa nipa Ngun-anya marn․gi apula ngaypa rrapa ngaypa marn․gi nula Ngun-anya. Rrapa ngaypa ngu-juwa barra achila jin-gata jip.

Gala ana-nga nguna-gaypa wanngu gun-guni, jarra ngaypa wupa ngu-barnja barra. Ngaypa gun-mola apula wanngu gun-guni ngu-rrimarra ngu-barnja, rrapa gun-mola apula ngaypa barrwa ngu-ma. Gu-gurda ngacha Ngun-anya gu-gurrmurra apula barra ngaypa ngu-yirda.”

Lika mola Jesus a-wena burrwa. A-yinagata, “Gun-guna ngu-weya ana-gorrburrwa gun-burral: Ngaypa minypa ng-gunaga ngana gu-jirra burrwa aburr-ngaypa gu-galiya yerrcha aburr-gata minypa jin-maywapa jip.

Wurra an-mujama an-guyinda, nipa jarra gala gu-borrwa minypa jaga a-ganaja a-workiya, ngardawa jin-nigipa ngika jip. Wurra minypa an-mugat a-nacha a-workiya, a-gengamanga, lika jip jiny-bawuja, ngardawa nipa jama wupa nula rrapa gala a-worija achila jip. Lika an-mugat jin-nerranga jin-dimanga rrapa jin-nerranga ganday jinyu-nenga, ngardapa ngardapa jiny-yurtchinga.

Jesus a-yinagata, “Buburr-galiya apula; janguny ngu-ngurrja barra gun-burral. Jip (sheep) wolawola wupa jinyu-nirra jiny-yorkiya an-ngumurda gala a-yinmiya a-barrnguma ngana gu-jirra; wurra a-gomarriya, gu-werranga ana-barrnguma a-workiya.