Popular Bible Verses from Yahaya 6

Share

Ɗa u danai, “Mpa ɗa burodi vu na vi ci neke wuma. Vuza na baci de dem u ta̱wa̱i wa̱ va̱, kambulu ko kudoku ka̱ ka̱na̱ yi ba. Vuza na kpamu u nekei ka̱ɗu wa̱ va̱, kakuli ko kudoku ka̱ ka̱na̱ yi ba.

Ayinviki a̱ Ka̱shile a ɗa e ci neke wuma u babu uteku. Utsura u vuma wi a kuyaꞋan ili ba. Kadanshi ka na n dansakai ɗa̱ ka zuwa ɗa̱ ta̱ i ciya̱ Ayinviki a̱ Ka̱shile a na e ci neke wuma.

Ka̱ta̱ i gbagbala kula̱nsa̱ ilikulyaꞋa i na i kuna̱mgba̱ ba, amma kucikpa i gbagbala kula̱nsa̱ ilikulyaꞋa i wuma u babu uteku. IlikulyaꞋa i nam pa i ɗa i na Maku ma Vuma me kuneke ɗa̱ adama a na Ka̱shile Esheku u yotsongu ta̱ a na wu ushuki n a̱yi.”

Aza a na e enei Maku ma ɗa e nekei a̱ɗu n a̱yi, i ta̱ a̱ kuciya̱ wuma u babu uteku, mi ta̱ kpamu a̱ kuɗengusa̱ le a kanna ku ukocishi. Na va ɗaɗa ili i na Dada vu va̱ u cigai.”

Ɗa wu ushuki, “Ili i na Ka̱shile ka cigai i yaꞋan i ɗa na: Nekei a̱ɗu a̱ ɗa̱ n vuza na Ka̱shile ka̱ suki.”

Yaba dem vi le na Dada u nekei mu wi ta̱ a̱ kuta̱wa̱ wa̱ va̱, mpa ta na ma kuꞋiwan yi ba.

Sima Biturusu wu ushuki, “Vuzagbayin, u yayi tsa kubana? Avu ɗa vi n kadanshi ke kuneke wuma u babu uteku.

Mpa ɗa burodi vu na vi ci neke wuma vu na vu uta̱i gaɗi. Vuza na baci de dem u takumai burodi vu nam pa wi a̱ kukuwa̱ ba. Burodi vu na n kuneke ɗa̱ ikyamba i va̱ i ɗa, i na n nekei adama a na uma a aduniyan a̱ ciya̱ wuma.”

Dada a̱yi ɗa vuza na u suki mu. Babu vuza na u kuta̱wa̱ wa̱ va̱, sai Dada koci u tono n a̱yi a̱ kuta̱wa̱ wa̱ va̱, ka̱ta̱ mpa n ɗengusa̱ vuma vu nan lo a kanna ku ukocishi.

Burodi vu na Ka̱shile ke ci neke vu ɗa kpamu vu na vu uta̱i gaɗi, vu na kpamu vi ci neke wuma a aduniyan.”

Mpa ɗa burodi vu na vi ci neke wuma.

Ɗa Yesu u ɗikai burodi va ɗa u cikpai Ka̱shile. Ɗa u pecekei uma a na i lo ida̱shi ra̱ka̱, ɗa u yaꞋin kpamu nannai n adan a sapu ɗa yaba dem ɗa u cuwa̱i. Ana ra̱ka̱ vi le a lyaꞋi ka̱u, ɗa u danai mukumitoni n ni, “Ɓolongi alyashi a na a buwai ko ili ka̱ta̱ i va̱ma̱ ba.”

Ana mukumitoni ma a antikai kpantsu sai e mere ma mala, ɗa e enei Yesu a nwalu a gaɗi vu mala a kuyawa ɗevu n ele. Ɗa a panai wovon ka̱u. Amma u danai, “Mpa ɗa, ka̱ta̱ i pana wovon ba.”