Popular Bible Verses from Matiyu 19

Share

Yesu wi indanai le ɗa u danai, “Na va ili i ɗa i na uma a kufuɗa kuyaꞋan ba, amma Ka̱shile ki ta̱ a kufuɗa kuyaꞋan ili ra̱ka̱.”

Adama a nannai a buwa aza e re ba, amma vuza te, ka̱ta̱ vuma u pece le ba, adama a na Ka̱shile kaꞋa ko ɓolongi le koɓolo.”

Yesu wu ushuki, “Mayun i kece ta̱ punu a̱ ubuta̱ u Katagarda ka Ciɗa: Ana Ka̱shile ka yaꞋin aduniyan, ‘U yaꞋan ta̱ mavali m mavuka. Ɗaɗa i zuwai ɗa vuma u tsu ka̱sa̱kpa̱ esheku n a̱na̱ku a̱ ni ka̱ta̱ u ɓolongu ka̱ci ka̱ ni u vuka vi ni. Ka̱ta̱ ele aza e re a o okpo vuza te.’

Amma ɗa u danai, “Ka̱sa̱kpa̱i muku n ta̱wa̱ wa̱ va̱, ka̱ta̱ i sa̱nka̱ le ba! Uma a na i tsu muku n nam pa aza o tsugono tsu gaɗi a ɗa.”

Amma uma n a̱bunda̱i a na i aza a kelime gogo na, i ta̱ o kokpo aza a̱ ka̱ca̱pa̱, aza a̱ a̱bunda̱i a na i kpamu ka̱ca̱pa̱ gogo na, i ta̱ o kokpo aza e kelime.”

Aza a na a̱ ka̱sa̱kpa̱i ili ra̱ka̱ adama a̱ va̱ i ta̱ a̱ kuciya̱ wuma u babu uteku. Vuza na baci u ka̱sa̱kpa̱i kpaꞋa, ko nkoshi n ni n itaku i ni adama a̱ va̱, ko a̱ ka̱sa̱kpa̱i isheku i le n ina̱ku i le, ko muku, ko ali n ashina dem, i ta̱ e kuneke le ali ugboku amangatawun ki ili i na a̱ ka̱sa̱kpa̱i. Ka̱ta̱ kpamu a̱ ciya̱ wuma u babu uteku.

Yesu wu ushuki, “Vi ciga baci vi shana derere, bana ka̱ta̱ vi denge ili ra̱ka̱ i na vi ni i ɗa! Ka̱ta̱ vi neke ikebe ya aza a yali, nannai vi ta̱ ta na a̱ kuciya̱ uciyi gaɗi. Ka̱ta̱ vu ta̱wa̱ vu tono mu.”

Yesu u danai ni, “Yi ɗa̱i i zuwai ɗa ve ecei mu adama a ili i singai? Ka̱shile endeꞋen a̱yi ɗa vuza singai. Vi ciga baci vi ciya̱ wuma u babu uteku, sai vu tono Wila̱ u ni.”

E, n dana ta̱ u laꞋa ta̱ n ɗevu karakuma ka uwa a̱ vunu vu vubele an vuza vu uciyi wa uwa o tsugono tsu Ka̱shile.”

N dana ɗa̱ na, vuma vu na baci u lokoi vuka vi ni ɗa u zuwai vuka vi yoku, wi ta̱ a kuyaꞋan tsugbani n a̱yi, saidei vuka vi ni vi iwan kushiya kaci a̱ ubuta̱ u te.”

Ɗa Yesu u danai mukumitoni n ni, “N dana ta̱ mayun, dikyai ɗa aza a na i n uciyi a kuꞋuwa o tsugono tsu Ka̱shile.