Popular Bible Verses from Yo꞉n 10

Share

Afalo꞉ dian kalu yakiyo꞉ sibiyo꞉ afale diaki a꞉la꞉ta꞉ga꞉ sibiyo꞉ yasalaki, a꞉la꞉ta꞉ga꞉ sibiyo꞉ mogaila꞉ma꞉no꞉le a꞉no꞉ko꞉ asulaki mia꞉ib. Ko꞉sega kaluka꞉isale iyo꞉ mela꞉no꞉ mela꞉no꞉wo꞉ dimiaki, i amio꞉ ililita꞉ga꞉ hamana꞉ki, ne a꞉na mio꞉.

“Sibilo꞉ bo꞉fo꞉lowan nafayo꞉ Ne. Sibilo꞉ bo꞉fo꞉lowan nafale eyo꞉ ene sibi asuwa꞉takiyo꞉ ene mela꞉no꞉wo꞉ a꞉na wala꞉ma꞉ib.

Sibi nilo꞉wo꞉ no꞉no꞉n dagano꞉ da꞉da꞉sen. Niyo꞉ iyo꞉ asulo꞉ ko꞉lo꞉, iliyo꞉ ne kudu ya꞉sen.

Niyo꞉ mela꞉no꞉ mela꞉no꞉wo꞉ imo꞉wo꞉ dimi ko꞉lo꞉ iyo꞉ mo꞉soma꞉ib. A꞉la꞉ta꞉ga꞉ ni dagi amilo꞉ da꞉lab a꞉no꞉ kalu imilig noma꞉yo꞉ mada mo꞉asulia꞉ga꞉ ha꞉na꞉ib.

Togo꞉ no꞉no꞉n Ne. Kaluka꞉isale abeyo꞉ nelo꞉wa ya꞉sa꞉ga꞉ tinalega, Gode eyo꞉ e gasilialikiyo꞉, e o꞉li mesa꞉ib. Iyo꞉ tolo꞉ usa tina꞉liki, a꞉la꞉ta꞉ga꞉ a꞉ma꞉la꞉ ha꞉la꞉ya handalowa꞉liki a꞉lalikiyo꞉, iyo꞉ ma꞉no꞉wo꞉ o꞉li naki, sagala꞉li sia꞉mela꞉ib.

“Sibilo꞉ bo꞉fo꞉lowan nafayo꞉ Ne. Dowa꞉yo꞉ ne asulab a꞉la꞉ta꞉ga꞉ niyo꞉lo꞉ Dowo꞉ asulo꞉l. A꞉la꞉do꞉ go꞉ aumbo꞉ niyo꞉ sibi no꞉no꞉ndo꞉leyo꞉ asulo꞉l a꞉la꞉ta꞉ga꞉ iliyo꞉lo꞉ ne asulab. Niyo꞉ no꞉no꞉n mela꞉no꞉wo꞉ sibi asuwa꞉taki wala꞉ma꞉no꞉.

Dowa꞉yo꞉ kalu i a꞉no꞉ nemo꞉ dimi ko꞉lo꞉, Do a꞉ma꞉yo꞉ tambo tinio꞉ ko꞉lo꞉lab. I a꞉no꞉ Dowa꞉ dagiya da꞉lab ko꞉lo꞉, kalu imilig noma꞉yo꞉ mada mo꞉asulia꞉ga꞉ ha꞉na꞉ib. Do na꞉no꞉ imilise.”

“Sibilo꞉ bo꞉fo꞉lowan nafayo꞉ Ne. Dowa꞉yo꞉ ne asulab a꞉la꞉ta꞉ga꞉ niyo꞉lo꞉ Dowo꞉ asulo꞉l. A꞉la꞉do꞉ go꞉ aumbo꞉ niyo꞉ sibi no꞉no꞉ndo꞉leyo꞉ asulo꞉l a꞉la꞉ta꞉ga꞉ iliyo꞉lo꞉ ne asulab. Niyo꞉ no꞉no꞉n mela꞉no꞉wo꞉ sibi asuwa꞉taki wala꞉ma꞉no꞉.

Kalu imilig noma꞉yo꞉ ni mela꞉no꞉ a꞉no꞉ mada mo꞉dila꞉ma꞉ib. No꞉no꞉ndo꞉ asulab au dimia꞉no꞉. No꞉no꞉n mela꞉no꞉wo꞉ dimiaki a꞉la꞉ta꞉ga꞉ a꞉ma꞉la꞉do꞉ dia꞉no꞉ halaido꞉ a꞉no꞉ ne amio꞉ a꞉lab. Mo꞉wo꞉ niyo꞉ a꞉la꞉dimidama꞉kiyo꞉, towo꞉ Dowa꞉yo꞉ nemo꞉wo꞉ saefa꞉.” Ya꞉su eyo꞉ a꞉la꞉sio꞉.

A꞉la꞉gabiki Ya꞉suwa꞉yo꞉ wa꞉ka imo꞉ sa꞉laki, “Niyo꞉ gimo꞉wo꞉ hendele so꞉lo꞉l. Sibiya꞉ togo꞉ no꞉no꞉n Ne.

Kalu abeyo꞉ e kililima꞉ki a꞉la꞉ asula꞉sa꞉ga꞉lo꞉ bo꞉fo꞉lab a꞉no꞉ e sibilo꞉ bo꞉fo꞉lowan kalu hendeleyo꞉ mo꞉doma꞉ib. E sibilo꞉ biso꞉ma. A꞉la꞉fo꞉ko꞉lo꞉ saila gasayo꞉ yalikiyo꞉, e sibiyo꞉ egelese ka ta꞉ta꞉ga꞉, e nai ha꞉na꞉ib. A꞉la꞉ta꞉ga꞉ saila gasaya꞉ sibiyo꞉ ti handalaki ta꞉lialikiyo꞉, sibi nolo꞉ imilida꞉la꞉ dalalelia꞉ga꞉ ha꞉na꞉sima꞉ib.

Ya꞉su eyo꞉ imo꞉wo꞉ a꞉la꞉sio꞉, “Niyo꞉ hendele sa꞉ma꞉nigo꞉l. Kalu abeyo꞉ e sibilo꞉ tina꞉sen tog a꞉namio꞉ mo꞉ha꞉naki, tog nodo keda꞉i sia꞉la꞉ga꞉ ilif tolo꞉ a꞉no꞉ mofa꞉la꞉na꞉sa꞉ga꞉ tinalega, e afalo꞉ dian kalu, a꞉la꞉ta꞉ga꞉ kalulo꞉ mogaila꞉seno꞉ kaluwo꞉ o꞉m.