Popular Bible Verses from Yo꞉n 15

Share

“Waina꞉ i mo꞉wo꞉ no꞉no꞉n ne a꞉la꞉ta꞉ga꞉ ele a꞉no꞉ gi ko꞉lo꞉lab. Kaluka꞉isale abeyo꞉ neya kudaki, a꞉la꞉ta꞉ga꞉ ne eya kudalega, eyo꞉ fowo꞉ modo꞉ ko꞉lo꞉ helema꞉ib. Gio꞉ ne o꞉lia꞉yo꞉ alobanaga꞉ita꞉ga꞉ mo꞉ege dowalega, giliyo꞉ kelego꞉ imilise nowo꞉ mada mo꞉dimidama꞉ib.

A꞉la꞉fo꞉ko꞉lo꞉ gio꞉ neya kuda꞉bi. A꞉la꞉ta꞉ga꞉ nelo꞉ giya kuduma꞉no꞉. I eleyo꞉ gali alilab amio꞉, fowo꞉ mada mo꞉helema꞉ib. Ko꞉sega i eleyo꞉ i amio꞉ kudufo꞉lalega, fowo꞉ o꞉li helema꞉ib. A꞉la꞉do꞉ gan aumbo꞉ gio꞉ ne amio꞉ mo꞉kudufo꞉lalega, fowo꞉ mo꞉helema꞉ib.

Gio꞉ neya kudaki, to nilo꞉ wido꞉ a꞉no꞉ gi amio꞉ dowalega, go꞉no꞉ndo꞉ asulab a꞉no꞉ ko꞉lo꞉ dabu ba꞉dalikiyo꞉, gilo꞉ dabu ba꞉dab a꞉no꞉ko꞉ dimia꞉ib.

Giliyo꞉ ne mo꞉da꞉feyo꞉ ko꞉sega, niyo꞉ gio꞉ da꞉fe alifa꞉. Gio꞉ ha꞉na꞉sa꞉ga꞉ nanogo꞉ diakiyo꞉, fowo꞉ modo꞉ helema꞉ki, a꞉la꞉ta꞉ga꞉ fo a꞉no꞉ dowa꞉i ha꞉na꞉melea꞉ki, a꞉na da꞉fea꞉sa꞉ga꞉ ta꞉fo꞉. Gio꞉ a꞉la꞉dimidalikiyo꞉, giliyo꞉ kelego꞉ o꞉ba꞉le ni wiya a꞉la꞉ta꞉ga꞉lo꞉ dabu ba꞉dab a꞉no꞉, Dowa꞉yo꞉ gimo꞉wo꞉ dimia꞉ib.

Kalu noma꞉yo꞉ ene miliyo꞉ asuwa꞉taki, mela꞉no꞉ enedo꞉ ko꞉ walalega, ha꞉fo꞉ disa꞉lan man a꞉ma꞉yo꞉, ha꞉fo꞉ disa꞉lan man nolo꞉ tininila꞉ ko꞉lo꞉lab.

Dowa꞉yo꞉ no꞉no꞉n ele amilo꞉ folo꞉ mo꞉hedab a꞉no꞉ gegedelia꞉sa꞉ga꞉ dila꞉sen. A꞉la꞉ta꞉ga꞉ ele folo꞉ hedab a꞉no꞉ nafale doma꞉kiyo꞉, Dowa꞉yo꞉ ele a꞉no꞉ abol gegedela꞉sen ko꞉lo꞉, tif amio꞉ ele a꞉ma꞉yo꞉ fowo꞉ modo꞉ nolo꞉ helema꞉ib.

“Ni ele difa꞉yo꞉ we. Niyo꞉ gimo꞉wo꞉ ha꞉fo꞉ disa꞉ o꞉leaumbo꞉, gio꞉ gegelebo꞉ ha꞉fo꞉wo꞉ a꞉la꞉ka disa꞉la꞉lubi.

Gio꞉ fowo꞉ modo꞉ hedab amio꞉, nilo꞉ tili wida꞉sen kalu hendele a꞉la꞉bo꞉ kalaba widaki gab ko꞉lo꞉, man a꞉na ilikiyo꞉ Dowo꞉ wi alano꞉ a꞉na dia꞉ib.

Ya꞉su eyo꞉ towo꞉ a꞉la꞉sio꞉, “Waina꞉ i hendeleyo꞉ no꞉no꞉n ne. A꞉la꞉ta꞉ga꞉ ni Dowo꞉ wain egelo꞉lo꞉ bo꞉fo꞉lowa꞉seno꞉ e.

Kaluka꞉isale abeyo꞉ ne amilo꞉ mo꞉kudufo꞉lab a꞉no꞉, i ele ko꞉lo꞉ sanditab amilo꞉ olali o꞉leaumbo꞉, eyo꞉lo꞉ sandifa꞉no꞉ ko꞉lo꞉ olalia꞉ib. Ele a꞉no꞉ kegenelia꞉ga꞉, deya gilima꞉ki sandita꞉sen.

Sagalan nilo꞉wo꞉ gi amio꞉lo꞉ dowaki, sagalan gilo꞉ a꞉no꞉ ililima꞉kiyo꞉, to we gimo꞉wo꞉ a꞉na so꞉lo꞉l.

Niyo꞉ Dowa꞉lo꞉ ele saefa꞉ a꞉no꞉ kudu ha꞉naki, ene ha꞉fo꞉ disa꞉lan man us amilo꞉ elen o꞉leaumbo꞉, giliyo꞉ nilo꞉ ele saefa꞉ a꞉no꞉ kudu ha꞉nalega, gio꞉ nilo꞉ ha꞉fo꞉ disa꞉lan man us a꞉nami doma꞉ib.

Nilo꞉ gimo꞉lo꞉ ele saeto꞉l we. Gio꞉ gegelebo꞉ ha꞉fo꞉wo꞉ disa꞉la꞉lubi.

Gio꞉ henfelo꞉ kalu wema꞉ ini so꞉lo꞉le dowo꞉ kibo꞉bowo꞉, iliyo꞉ gio꞉ mada asulumabe. Ko꞉sega gio꞉ henfelo꞉ wema꞉no꞉ma. O꞉leaumba. Gio꞉ henfelo꞉ man we ta꞉foma꞉ki, niyo꞉ a꞉na da꞉fe alifa꞉. A꞉la꞉fo꞉ko꞉lo꞉ iliyo꞉ gio꞉ mada mo꞉beab.