Popular Bible Verses from Yo꞉n 17

Share

To gilo꞉wo꞉ mada hendele dowo꞉ ko꞉lo꞉, giyo꞉ to hendele a꞉ma꞉yo꞉ iyo꞉ malilo꞉le dimidaki, gino꞉ doma꞉ki ta꞉ta꞉bi.

Mela꞉no꞉ mela꞉no꞉ a꞉la꞉do꞉ sa꞉lab a꞉ma꞉ ha꞉go꞉ we. Gode Hendele imilise, Ge o꞉lia꞉ gilo꞉ iliga꞉fo꞉ Ya꞉su Keliso a꞉no꞉lia꞉yo꞉ ililo꞉ fanda asululiab a꞉no꞉ o꞉m.

“Niyo꞉ kalu i weno꞉ko꞉ asuwa꞉foma꞉ki dulugu so꞉lo꞉ba. Ko꞉sega kalu i wema꞉lo꞉ to man widab a꞉no꞉ da꞉da꞉sa꞉ga꞉lo꞉ ne amilo꞉ tilida꞉dab kaluka꞉isale a꞉no꞉lo꞉ asuwa꞉foma꞉ki dulugu so꞉lo꞉l. Do ge neya dowabilo꞉, ne geya dowo꞉l o꞉leaumbo꞉, i a꞉no꞉lo꞉ tambo asulo꞉wo꞉ imilise doma꞉ki dulugu so꞉lo꞉l. A꞉la꞉ta꞉ga꞉ henfelo꞉ kaluka꞉isale iliyo꞉ ne gi iliga꞉fo꞉lo꞉b a꞉la꞉bo꞉ tili asuluma꞉kiyo꞉, kalu i we na꞉na doma꞉ki dulugu so꞉lo꞉l.

Giyo꞉ iyo꞉ henfelo꞉ wenamilo꞉ elen a꞉no꞉ ko꞉lo꞉ tililia꞉ga꞉ handaloma꞉ki so꞉lo꞉ba. Ko꞉sega giyo꞉ i a꞉no꞉ bo꞉fo꞉liki, mogago꞉lelo꞉ dimida꞉sen Sa꞉da꞉na꞉ eyo꞉ iyo꞉ mogagilabena꞉ki a꞉na dulugu so꞉lo꞉l.

Do na꞉no꞉ asulo꞉wo꞉ imilise dowo꞉ o꞉leaumbo꞉, iyo꞉lo꞉ asulo꞉ imilise doma꞉kiyo꞉, wi alan gilo꞉ nemo꞉lo꞉ dimi a꞉no꞉, niyo꞉ imo꞉ dimi ko꞉lo꞉lab. Iyo꞉ asulo꞉wo꞉ mada imilise doma꞉kiyo꞉, ne iya dowo꞉l a꞉la꞉ta꞉ga꞉ ge neya dowab. Iyo꞉ asulo꞉wo꞉ imilise dowalikiyo꞉, henfelo꞉ kaluka꞉isale iliyo꞉ ne gi iliga꞉fo꞉lo꞉b a꞉la꞉bo꞉ asulaki, a꞉la꞉ta꞉ga꞉ giyo꞉ nelo꞉ alan asulaki ha꞉fo꞉ disa꞉ o꞉leaumbo꞉, giyo꞉ iyo꞉lo꞉ alan asulaki, ha꞉fo꞉ disa꞉ a꞉la꞉bo꞉ iliyo꞉ asuluma꞉ib.