Popular Bible Verses from Luk 11

Share

Mogago꞉ kalu giliyo꞉ go꞉no꞉n so꞉wamo꞉lo꞉ kelego꞉ nafayo꞉ dimia꞉sen a꞉no꞉ ko꞉lo꞉ asuluma. A꞉la꞉fo꞉ko꞉lo꞉ Do Gode Hebenelo꞉ sab a꞉ma꞉yo꞉, kaluka꞉isale emo꞉lo꞉ dabu ba꞉dab o꞉mo꞉wo꞉ Mama Malilo꞉ a꞉no꞉ mada hendele dimia꞉ib.”

“A꞉la꞉fo꞉ko꞉lo꞉ niyo꞉ gimo꞉wo꞉ a꞉la꞉wido꞉l. Giliyo꞉ Godemo꞉ dabu ba꞉da꞉lubi. A꞉la꞉galikiyo꞉ giliyo꞉ dia꞉ib. Giliyo꞉ kelefo꞉ko꞉ dowa꞉lubi. A꞉la꞉galikiyo꞉ giliyo꞉ ba꞉ba꞉ib. A꞉la꞉ta꞉ga꞉ toga godogodola꞉lubi. A꞉la꞉galikiyo꞉ togo꞉ gimo꞉wo꞉ kolalia꞉ib.

Mo꞉wo꞉ kaluka꞉isale abeyo꞉ Godemo꞉lo꞉ dabu ba꞉dab iliyo꞉ dia꞉ib. Kaluka꞉isale abeyo꞉ keda꞉lab iliyo꞉ mada ba꞉ba꞉ib. A꞉la꞉ta꞉ga꞉ kaluka꞉isale abeyo꞉ tog amilo꞉ godogodolab imo꞉wo꞉ Gode eyo꞉ togo꞉ kolalia꞉ib.

A꞉la꞉sa꞉labiki Ya꞉su eyo꞉ imo꞉wo꞉ a꞉la꞉sio꞉, “Giliyo꞉ dulugu sa꞉lakiyo꞉ a꞉la꞉sa꞉la꞉bi. “ ‘Dowa, kaluka꞉isaleya꞉yo꞉ ge wiyo꞉ wabuluma꞉ki so꞉lo꞉l. Ge misa꞉ kalu dowakilo꞉, tambolo꞉ bo꞉fo꞉mela꞉no꞉ ho꞉len a꞉no꞉ ko꞉lo꞉ fa꞉la꞉doma꞉ki so꞉lo꞉l.

Mogago꞉ nolba꞉lo꞉ nimo꞉lo꞉ dimida꞉lab amilo꞉ ga꞉lila꞉sen o꞉leaumbo꞉, Giyo꞉lo꞉ mogago꞉ nililo꞉ dimida꞉lo꞉l a꞉no꞉ hala꞉sa꞉ga꞉ ga꞉lila꞉bi. A꞉la꞉ta꞉ga꞉ nio꞉ mogago꞉lo꞉ dimidama꞉no꞉ a꞉namida꞉yo꞉ ha꞉nabena꞉ki, giyo꞉ nio꞉ tili dowa꞉bi.’”

Gio꞉ ma꞉no꞉wo꞉ ho꞉leno꞉ tambo nililo꞉ ma꞉no꞉ ililo꞉ aumbo꞉ dimia꞉lubi.

Gi siko, do꞉mo꞉wa꞉ ho꞉len ko꞉lo꞉lab. Si gilo꞉wo꞉ nafa dowalega, ho꞉lena꞉yo꞉ gi do꞉mo꞉wo꞉ tambo wa꞉lifo꞉lab. Ko꞉sega si gilo꞉wo꞉ mogago꞉ dowalega, ge do꞉mo꞉wo꞉ tambo sololiab.

A꞉la꞉ta꞉ga꞉ Ya꞉su eyo꞉ towo꞉ a꞉la꞉sio꞉, “Kaluka꞉isaleya꞉yo꞉ nafayo꞉ do꞉lia꞉ga꞉yo꞉ wo꞉no꞉lebo꞉ mo꞉dia꞉tan. A꞉la꞉ta꞉ga꞉ nafa a꞉no꞉ fafo usamio꞉ mo꞉go꞉lu alitan. A꞉la꞉bo꞉ mo꞉gan ko꞉lo꞉ nafayo꞉ do꞉lia꞉ga꞉yo꞉, kalu a usamilo꞉ yab i a꞉no꞉ ho꞉leno꞉ bo꞉ba꞉ki, kalaba iwalu dehele alitan.