Popular Bible Verses from Luk 18

Share

Ya꞉su eyo꞉ enedo꞉ tili wida꞉sen kalu iyo꞉ ho꞉leno꞉ tambo mo꞉mo꞉beaki dulugu sa꞉la꞉melea꞉ki, bale sio꞉ we imo꞉wo꞉ a꞉na wido꞉.

Godeya꞉ ene mano꞉ o꞉leo꞉ngo꞉ma. Godeya꞉ enedo꞉ da꞉feyo꞉ kaluka꞉isaleyo꞉ ho꞉lenowo꞉lo꞉, nuluwo꞉lo꞉ tambo emo꞉ dulugu sa꞉lalikiyo꞉, Gode eyo꞉ iyo꞉ asuwa꞉taki, imo꞉lo꞉ mogago꞉lo꞉ dimida꞉sen o꞉mo꞉wo꞉ wa꞉dema꞉ib. Eyo꞉ bo꞉ebo꞉ mo꞉asuwa꞉fa꞉iba꞉le? A꞉la꞉bo꞉ mo꞉auma꞉ib. Niyo꞉ gimo꞉wo꞉ hendele so꞉lo꞉l. Gode eyo꞉ kaluka꞉isale enedo꞉wo꞉ asuwa꞉taki, mogago꞉lo꞉ dimida꞉senbo꞉wo꞉ bo꞉bo꞉ge wa꞉dema꞉ib. Ko꞉sega Kalule Dowo꞉ e yalikiyo꞉, henfelo꞉ amilo꞉ tilidabu kaluka꞉isaleyo꞉ o꞉biba꞉s elena ba꞉ba꞉iba?”

Ya꞉su eyo꞉ a꞉ma꞉la꞉ sa꞉laki, “Kaluwa꞉lo꞉ mo꞉dimidama꞉no꞉ dowo꞉le a꞉no꞉, Gode eyo꞉ o꞉li dimidama꞉ib.”

Ho꞉len modo꞉ amio꞉ ga sa꞉ba꞉lo꞉ eyo꞉ a꞉la꞉dabu ba꞉da꞉labikiyo꞉, mo꞉walilan kalu eyo꞉ e gola ba꞉da꞉len. Ko꞉sega tif amio꞉ eyo꞉ enena꞉ma꞉la꞉yo꞉ a꞉la꞉asulo꞉, ‘Ne Godeya꞉ ha꞉g amio꞉ mo꞉dowaki, kaluka꞉isaleyo꞉ o꞉ngo꞉malo꞉ngo꞉ asula꞉sen. Ko꞉sega ga we ho꞉leno꞉ tambo nelo꞉ amio꞉ da꞉ba꞉ sala꞉lab ko꞉lo꞉, tif amio꞉ ne elo꞉ to sa꞉la꞉lab a꞉no꞉ da꞉ba꞉no꞉wo꞉ mo꞉beabena꞉ki, niyo꞉ mo꞉walilaki aloba꞉ma꞉nigo꞉l.’”

To we niyo꞉ gimo꞉wo꞉ hendele so꞉lo꞉l. Kaluka꞉isale abeyo꞉ so꞉wagalin ko꞉lo꞉ Godeya꞉ ha꞉g amilo꞉ dowab o꞉leaumbo꞉ mo꞉dowalega, iyo꞉ Godeya꞉lo꞉ bo꞉fo꞉mela꞉no꞉ us a꞉namio꞉ mada mo꞉tina꞉ib.”

Ko꞉sega Ya꞉su eyo꞉ so꞉wayo꞉ ho꞉le kegeaki, a꞉la꞉sio꞉, “Giliyo꞉ so꞉wa i we nelo꞉wa mena꞉ki ka꞉la꞉so꞉bo. Mo꞉wo꞉ Godeya꞉lo꞉ bo꞉fo꞉mela꞉no꞉wo꞉ kaluka꞉isale so꞉wagalin i we o꞉ngo꞉ dowab a꞉ma꞉no꞉.

“Go꞉no꞉ndo꞉ tilidabu koma꞉yo꞉ ge falelab ko꞉lo꞉, gi siyo꞉ o꞉li ba꞉dab” a꞉la꞉sio꞉.

Ya꞉suwa꞉yo꞉ a꞉ma꞉la꞉yo꞉ emo꞉wo꞉ a꞉la꞉sio꞉, “Gilo꞉ nemo꞉lo꞉ ‘Ge nafale’ a꞉la꞉do꞉ sa꞉lalo꞉ mo꞉wo꞉ ha꞉? Gode imilise esa nafale ko꞉lo꞉ a꞉lab.