Popular Bible Verses from Luk 24

Share

Asuluma! Dowa꞉lo꞉ dinali sio꞉ aumbo꞉, niyo꞉ Godeya꞉ Mamayo꞉ gimo꞉ iliga꞉fa꞉nigo꞉l. Ko꞉sega halaido꞉ iwalulo꞉ a꞉lab a꞉no꞉ gilo꞉ amio꞉ o꞉semo꞉ go꞉lu alitalikiyo꞉, gio꞉ amisa꞉n wena siliki yasila꞉bi.”

E wiyo꞉ aundo꞉ma. E a꞉ma꞉la꞉ dasi. Eyo꞉ gegele Ga꞉lili silikilo꞉ sio꞉wo꞉ asuluma.

Eyo꞉ a꞉la꞉dimidab amio꞉, a꞉la꞉ma꞉ siyo꞉ kolaetaki, Ya꞉suwo꞉ fanda ba꞉dabikiyo꞉, e a꞉na kelege dowo꞉. A꞉la꞉yo꞉ ida꞉ni nenelakiyo꞉ a꞉la꞉sio꞉, “Nio꞉ toga yakiyo꞉, Godeya꞉ to sa꞉sa꞉lo꞉ a꞉no꞉ e fanda wida꞉i yab amio꞉, nai asulo꞉wo꞉ iligaki sagalo꞉.”

Eyo꞉ imo꞉wo꞉ a꞉la꞉sio꞉, “Godeya꞉ to a꞉namio꞉ a꞉la꞉sa꞉sa꞉li alifa꞉. Godeya꞉lo꞉ Da꞉feyo꞉ kalu e nagalo꞉wo꞉ dia꞉sa꞉ga꞉, ho꞉len asol amio꞉ e a꞉ma꞉la꞉ dasima꞉ib. A꞉la꞉ta꞉ga꞉ kaluka꞉isaleya꞉ asulo꞉wo꞉ nodola꞉sa꞉ga꞉ Gode eyo꞉ mogago꞉ ililo꞉ dimida꞉len a꞉no꞉ ga꞉lila꞉ma꞉kiyo꞉, to nafa a꞉no꞉ ene wiya a꞉la꞉ta꞉ga꞉, Ya꞉lusalem a꞉na mo꞉mo꞉data꞉ga꞉, henfelo꞉ we tambo wida꞉li ha꞉na꞉ib.

Iyo꞉ ha꞉na꞉ga꞉, u no꞉no꞉lo꞉wa fa꞉la꞉dowaki ba꞉ba꞉yo꞉, u alana꞉lo꞉ tog amilo꞉ ifa꞉ a꞉no꞉ fo꞉fo꞉gololia꞉ga꞉ aniba difa꞉ya ba꞉ba꞉. Ko꞉sega iyo꞉ usa tina꞉sa꞉ga꞉yo꞉, Alan Ya꞉suwa꞉ do꞉mo꞉wo꞉ mo꞉ba꞉ba꞉.