Popular Bible Verses from Luk 9

Share

A꞉la꞉sa꞉la꞉sa꞉ga꞉ Ya꞉su eyo꞉ kaluka꞉isale kegeo꞉ imo꞉wo꞉ a꞉la꞉sio꞉, “Kaluka꞉isale abeyo꞉ ne kudu mia꞉no꞉ asulalega, eyo꞉ enen asulano꞉ ka ta꞉ta꞉sa꞉ga꞉, ho꞉leno꞉ tambo ene i malano꞉ dia꞉liki soma꞉no꞉wo꞉ o꞉lika꞉ a꞉laki, ne a꞉na kudu ya꞉bi.

Mo꞉wo꞉ kaluka꞉isale abeyo꞉ ene mela꞉no꞉wo꞉ halale ta꞉li dofo꞉lalega, ene mela꞉no꞉wo꞉ sulu ha꞉na꞉ib. Ko꞉sega kaluka꞉isale abeyo꞉ ne kudu yakiyo꞉, ene mela꞉no꞉wo꞉ walalega, e mela꞉no꞉leyo꞉ dia꞉ib.

Ya꞉su eyo꞉ a꞉ma꞉la꞉bo꞉ a꞉la꞉sio꞉, “Kaluka꞉isale abeyo꞉, ne mo꞉mo꞉da kudu yakiyo꞉, man tamin amilo꞉ dimida꞉sen a꞉no꞉ a꞉ma꞉la꞉yo꞉ asuluma꞉ ha꞉nalega, e Godeya꞉lo꞉ bo꞉fo꞉mela꞉no꞉ hen us amilo꞉ nanog dimidama꞉no꞉wo꞉ mo꞉ego꞉ doma꞉ib.”

Gio꞉ kelego꞉ henfelo꞉ wilo꞉ da꞉lab a꞉no꞉ ko꞉lo꞉ tambo asula꞉sa꞉ga꞉ kegenela꞉len amio꞉, mela꞉no꞉ gilo꞉wo꞉ sulu ha꞉nalega, kelego꞉ a꞉ma꞉yo꞉ gio꞉ waga asuwa꞉fa꞉iba?

Kaluka꞉isale abeyo꞉ ni wi sa꞉ma꞉no꞉ o꞉lia꞉ ni to walama꞉no꞉ a꞉no꞉lia꞉yo꞉ sendelowalega, tif amio꞉ Kalule Dowo꞉ ne yakiyo꞉, ni ho꞉len fo꞉fo꞉lesodo꞉ o꞉lia꞉, Do Godeya꞉ ene ho꞉len fo꞉fo꞉lesodo꞉ o꞉lia꞉, ma꞉mula꞉ malilo꞉ a꞉ma꞉ ene ho꞉len fo꞉fo꞉lesodo꞉ o꞉lia꞉ yakiyo꞉, niyo꞉lo꞉ e wi sa꞉ma꞉no꞉wo꞉ sendeloma꞉no꞉.

Ko꞉sega Ya꞉su eyo꞉ a꞉ma꞉la꞉bo꞉ a꞉la꞉sio꞉, “Saila gasalo꞉ mesa꞉no꞉wo꞉ aluwo꞉ da꞉lab a꞉la꞉ta꞉ga꞉ o꞉ba꞉ya꞉yo꞉ us silia꞉fa꞉no꞉wo꞉ ayo꞉ da꞉lab. Ko꞉sega Kalule Dowo꞉ e, a enedo꞉leyo꞉ mada aundo꞉ma.”

Ko꞉sega Ya꞉su eyo꞉ ililo꞉ asulufo꞉lab a꞉no꞉ ba꞉da꞉sa꞉ga꞉, so꞉wala꞉su nowo꞉ tililia꞉ga꞉, e aniba kagafo꞉melea꞉ki ta꞉takiyo꞉, imo꞉wo꞉ a꞉la꞉sio꞉ “Kalu abeyo꞉ ne wiya a꞉la꞉ta꞉ga꞉yo꞉, so꞉wala꞉suwo꞉ sagala꞉liki tili dowalega, eyo꞉ ne ko꞉lo꞉ tili dowakigab. A꞉la꞉ta꞉ga꞉ kalu abeyo꞉ ne sagala꞉liki tili dowalega, eyo꞉ nelo꞉ iliga꞉fo꞉ o꞉mo꞉wo꞉lo꞉ sagalaki tili dowaki auma꞉ib. Gi usamio꞉, kalu abeyo꞉ e o꞉ngo꞉malo꞉ngo꞉ a꞉laki ha꞉ga dowalega, hendele wa꞉la꞉b alano꞉ e dowab.”