Popular Bible Verses from Madiyu 5

Share

Kaluwa꞉yo꞉ nafayo꞉ do꞉lia꞉ga꞉yo꞉ fafowa꞉yo꞉ wo꞉no꞉lebo꞉ mo꞉go꞉lu alitan. Iliyo꞉ nafa a꞉no꞉ do꞉lia꞉ga kalaba dia꞉tab ko꞉lo꞉, ho꞉len a꞉ma꞉yo꞉ ayamilo꞉ sen a꞉no꞉ tambowo꞉ ho꞉lea꞉tan. A꞉la꞉do꞉ dimidan o꞉leaumbo꞉, gio꞉ ho꞉len gililo꞉wo꞉ kaluka꞉isale siwa꞉l amio꞉ do꞉ifoma. A꞉la꞉galikiyo꞉ iyo꞉ gililo꞉ man nafa dimido꞉wo꞉ ba꞉da꞉sa꞉ga꞉yo꞉, iliyo꞉ Do Gode, Hebenelo꞉ a꞉lab a꞉ma꞉ wiyo꞉ ko꞉lo꞉ wabulu sa꞉ma꞉ib.”

“Gio꞉ henfelo꞉ wema꞉ ho꞉len ko꞉lo꞉lab. Amisa꞉n misio꞉ amilo꞉ a꞉lab a꞉no꞉ mada wo꞉no꞉lebo꞉ mo꞉doma꞉ib.

Kaluka꞉isale asulo꞉wo꞉ go꞉go꞉do꞉ nafale a꞉lab a꞉no꞉, iyo꞉ ego꞉le sab. Mo꞉wo꞉ iyo꞉ Godeyo꞉ ba꞉ba꞉ib.

Kaluka꞉isale digalo꞉ mando꞉ bulu meselakilo꞉ dowab a꞉no꞉, iyo꞉ ego꞉le sab. Mo꞉wo꞉ Gode eyo꞉ imo꞉wo꞉ ilili alifa꞉ib.

Ko꞉sega niyo꞉ gimo꞉wo꞉ towo꞉ a꞉la꞉so꞉lo꞉l. Giliyo꞉ gis kalumo꞉wo꞉ ha꞉fo꞉wo꞉ disa꞉la꞉bi. A꞉la꞉ta꞉ga꞉ gimo꞉lo꞉ dikidiab kalu i a꞉no꞉ Gode eyo꞉ kanulu alifoma꞉ki dulugu sa꞉la꞉lubi.

“Kaluka꞉isale mama amilo꞉ wilo꞉ma dowab a꞉no꞉ iyo꞉ ego꞉le sab. Mo꞉wo꞉ Godeya꞉lo꞉ bo꞉fo꞉mela꞉no꞉wo꞉ us a꞉namio꞉ iyo꞉ wilo꞉ dowab.

Kaluka꞉isale ha꞉fo꞉ disa꞉ma꞉kilo꞉ dinafalo꞉ go꞉go꞉de sa꞉la꞉lab a꞉no꞉, iyo꞉ ego꞉le sab. Mo꞉wo꞉ Gode eyo꞉ i a꞉no꞉ ene so꞉waka꞉ a꞉la꞉sa꞉ma꞉ib.

Kaluka꞉isale nofolakilo꞉ ya꞉la꞉lab a꞉no꞉, iyo꞉ ego꞉le sab. Mo꞉wo꞉ Gode eyo꞉ iyo꞉ sagale alitaki, ha꞉nolo alifa꞉ib.

Kaluka꞉isale man nafa digalo꞉le kudu ha꞉na꞉len amio꞉, nolba꞉yo꞉ mogago꞉ ko꞉lilo꞉ imo꞉lo꞉ dimida꞉lab i a꞉no꞉ ego꞉le sab. Godeya꞉lo꞉ bo꞉fo꞉mela꞉no꞉ hen a꞉no꞉ ilino꞉ kolo꞉ a꞉lab.

Kaluka꞉isale nolo꞉ nofola꞉likilo꞉ asuwa꞉ta꞉lab a꞉no꞉, iyo꞉ ego꞉le sab. Mo꞉wo꞉ Gode eyo꞉ i o꞉mo꞉wo꞉ nofolaki asuwa꞉fa꞉ib.

“Gio꞉ neya dowab amilo꞉ nolba꞉lo꞉ gimo꞉lo꞉ dio꞉ge sa꞉lab a꞉no꞉, hida꞉yo꞉wo꞉ dimiab a꞉no꞉, a꞉la꞉ta꞉ga꞉ to ko꞉li ko꞉lilo꞉ gimo꞉lo꞉ diga꞉li sa꞉lab a꞉no꞉, gio꞉ ego꞉le dowabikigab. Hebene a꞉namio꞉ wa꞉l gililo꞉ dia꞉no꞉wo꞉ alan yasisab ko꞉lo꞉, gio꞉ iligi sagalema. Mo꞉wo꞉ o꞉go꞉do꞉ man dimidab we, tamin amilo꞉ dinali sa꞉lan kalu ko꞉lo꞉ dikidiakilo꞉ eteyo꞉ o꞉le o꞉ngab.

Kaluka꞉isale enena꞉ma꞉la꞉lo꞉ ha꞉ga dowakilo꞉, ha꞉sa dowab a꞉no꞉, iyo꞉ ego꞉le sab. Mo꞉wo꞉ Gode eyo꞉ hen inido꞉leyo꞉ dimia꞉ib.

“Gio꞉ henfelo꞉ wema꞉ so꞉lu ko꞉sega, so꞉luwa꞉ nudo꞉ a꞉no꞉ aundo꞉ma fa꞉la꞉dowalega, so꞉luwa꞉ nudo꞉ a꞉no꞉ nafa a꞉fa꞉la꞉doma꞉kiyo꞉, mada mo꞉dimidama꞉ib. So꞉lu a꞉no꞉ nanogo꞉ aundo꞉ma ko꞉lo꞉, ha꞉la꞉ya sanditalikiyo꞉, kaluwa꞉yo꞉ mo꞉asulaki, ka wa꞉la꞉la꞉i ha꞉na꞉ib.

A꞉la꞉fo꞉ko꞉lo꞉ gili Go꞉l ko꞉lo꞉ Hebenelo꞉ a꞉lab a꞉ma꞉lo꞉ ha꞉fo꞉ disa꞉lakilo꞉ ego꞉le sab o꞉leaumbo꞉, gio꞉lo꞉ ha꞉fo꞉ disa꞉laki, ego꞉le dowa꞉bi.”

Towo꞉ sa꞉lakiyo꞉, ‘A꞉’ a꞉lalega, o ‘A’ a꞉lalega, to a꞉no꞉ko꞉ hende sa꞉laki auma꞉ib. To nol ko꞉lo꞉ a꞉kudu sa꞉lab a꞉no꞉ mogago꞉lo꞉ dimida꞉sen Sa꞉da꞉na꞉ eya a꞉la꞉ta꞉ga꞉ fa꞉la꞉dowab.”

“Gili ma꞉mu ima꞉ to saefa꞉ a꞉no꞉ gio꞉ dabu ko꞉lo꞉ to nowo꞉ we, ‘Kalu abeyo꞉ noma꞉ siyo꞉ mogagilalega, si elo꞉wo꞉lo꞉ mogagila꞉bi. Kalu abeyo꞉ noma꞉ beso꞉ dugulalega, bes elo꞉wo꞉lo꞉ dugula꞉bi.’ Ko꞉sega niyo꞉ towo꞉ gimo꞉wo꞉ a꞉la꞉so꞉lo꞉l. Mogago꞉ kaluwa꞉yo꞉ gemo꞉wo꞉ hida꞉yo꞉ dimialega, a꞉ma꞉la꞉bo꞉ wa꞉dea꞉so꞉bo. Kalu abeyo꞉ gi babo꞉ ililiba bolalega, babo꞉ nodowo꞉lo꞉ emo꞉ wida꞉bi.

A꞉la꞉fo꞉ko꞉lo꞉ gi si ililib a꞉ma꞉yo꞉, Godeya꞉ digalo꞉ man kudu ha꞉na꞉no꞉wo꞉ ka꞉lalega, si a꞉no꞉ dugulia꞉ga꞉ sandifoma. Do꞉mo꞉ gilo꞉ ko꞉ de hen amio꞉ tambo sanditabena꞉kiyo꞉, do꞉mo꞉ heb nowo꞉ dilalega a꞉no꞉ o꞉li doma꞉ib. A꞉la꞉ta꞉ga꞉ gi dagi ililiba꞉yo꞉ Godeya꞉ digalo꞉ man kudu ha꞉na꞉no꞉wo꞉ ka꞉lalega, dagi a꞉no꞉ gedelia꞉ga꞉ sandifoma. Do꞉mo꞉ gilo꞉ ko de hen amio꞉ tambo ha꞉nabena꞉kiyo꞉, do꞉mo꞉ heb nowo꞉ gedelalega, a꞉no꞉ o꞉li doma꞉ib.”