Popular Bible Verses from KO SĒNESI 21

Share

PEA ‘a‘ahi ‘a Sihova kia Sela ‘o hangē ko ‘ene folofola, pea na‘e fai ‘e Sihova kia Sela ‘o hangē ko ‘ene tala.

Pea ongo ki he ‘Otua ‘a e le‘o ‘o e tama; pea ui mai mei langi ‘a e ‘Āngelo ‘a e ‘Otua kia Heka‘ā, ‘o ne me‘a mai, Ko e hā ‘oku ke pehē ai, Heka‘ā! ‘Oua te ke manavahē, he kuo ongo ki he ‘Otua ‘a e le‘o ‘o e tama mei he potu ‘oku ne ‘i ai. Tu‘u ‘o langa‘i hake ‘a e tama, ‘o taki nima ia; he te u fokotu‘u ‘iate ia ha pule‘anga lahi.

Pea feitama ‘a Sela, pea ‘i he hokosia ‘a e taimi ne tala kiate ia ‘e he ‘Otua na‘a ne fanau kia ‘Epalahame ha tama, neongo kuo ne motu‘a.

Pea pehē ‘e Sela, Kuo fakatupu ‘e he ‘Otua ha kata ma‘aku; ‘Ilonga ha fanongo te ne kata mo au.

Ka ka folofola ‘a e ‘Otua kia ‘Epalahame, ‘Oua na‘a ke kovi‘ia ai koe‘uhi ko ho foha, pea koe‘uhi ko ho‘o kaunanga; pea ko e me‘a ki he ngaahi lau ‘a Sela ‘oku fai atu, tuitala pē ki he‘ene lea; koe‘uhi ‘e ngata ‘ia ‘Aisake ‘a e lau ko ho hako.

Pea ko e me‘a foki ki he tama ‘a e kaunanga, te u fokotu‘u foki ia ko e pule‘anga koe‘uhi ko ho hako ia.