Popular Bible Verses from Mateo 19

Share

Ne midtengteng si Hisus kandan ne migkahi en te, “Embiya etew rà ne kenà dan ebpekegaga ne egaked te umur ne warà edtemanan din, ugaid ne Eleteala se ebpekegaga ne ebehey kandan su egkegaga te Eleteala ke langun taman.”

Ketà ne kenà dan en deruwa ne etew su neseveka rà. Tembù be ini se deruwa ne midseveka te Eleteala ne kenà egkepebelag dut te piya entei ne etew,” ke si Hisus.

Migkahi si Hisus te, “Meambe, warà niyu ves mevasa ke impesurat ne Lalag te Eleteala ne egkahi te, ‘Inggenat te aney en ne midlimbag te Eleteala ke meama wey meritan?’ ne migkahi ke Eleteala te, ‘Tembù ed-ewaan dut te meama ke amey rin wey iney rin su riyà ebpekidseveka sikandin te esawa rin, ne ini se teled-esawa ne nevaluy ne seveka.’

Ugaid ne migkahi si Hisus te, “Kenà niyu dewaya sikandan! Ugaid ne ibpepengkayi niyu te kediey ke menge vatà, su ke menge etew ne Edetuan te Eleteala ne iring ke sarig dan kediey kayi te menge vatà ini.”

Ugaid ne merakel ne menge etew guntaan,” ke si Hisus, “ne mepurù se ketengdanan din ne ketà te akir din ne hewii ne sikandan ke pinekemevavà te langun. Ne ruen menge etew guntaan ne mevavà dan nevenar, ne ketà te akir din ne hewii ne sikandan se pinekebmepurù se ketengdanan din.”

Ne misan entei ne etew se neewaan din ke ubpaan din, menge suled din, menge etevey rin, ke amey rin etawa iney rin, menge anak din etawa ke tanà din su atag dut te keduma rin kediey, ne ebpeketelimà sikandin te kemehatus egketakep se neewaan din ne ebehayan pà te umur ne warà edtemanan din.

“Embiya iyan nu kiyug ne warè en kurang te ed-ul-ulaan nu,” ke si Hisus, “ne ulì ka ne pesaa ke langun ne kearen nu ne ipemehey nu ve ke elehà din diyà te menge ayuayu su apey ruen kekewesai nu riyà te langit ne muna pà dut te kearen nu kayi. Ne arà pà ne pengkayi ka te eduma kedì.”

Ne midtavak si Hisus te, “Meambe ke id-insà nu kedì ke engkey se meupiya pà ne ed-ul-ulaan nu?” ke si Hisus. “Su sebseveka rà ke meupiya se ed-ul-ulaan din ne Eleteala rà. Embiya egkuwa ka te umur ne warà edtemanan din, ne tumana nu ke langun te penduan te Eleteala.”

Ne igkahi ku pà lavew keniyu te embiya id-upama ta ne iyan pà melemu ne ebpevayà diyà te vudsi te rahum ini se binatang ne kemilu tumin dè be ke kebpesakup te etew ne kewasa dut te menge etew ne Edetuan te Eleteala.”

Tembù be igkahi ku keniyu embiya ruen meama ne ebpekid-engked te esawa rin, misan kenà edlangkadlangkad ini se esawa rin kandin, ne edsaup ded maa ed-esawa ne nekelangkadlangkad te esawa rin.”

Ketà ne migkahi si Hisus kayi te edumdumaan din te, “Benar ini te merehen nevenar dut te kewasa ne etew se kebpesakup din te menge etew ne Edetuan te Eleteala.