Popular Bible Verses from Juan 10

Share

Umba edhendutun te tudil is tekawen su wey mekepenakew, ne wey mekehimatey, ne wey mekezezaat. Siak mulà, midhendini a te kelibutan wey meveg̵ayi is menusiyà te untung he wazà pidtemanan wey wazè en kurang dutun te untung.

Iyan a sikan is ed-elima te menge kerehidu he utew meelima. Ibelavag ku is untung ku wey kenà mekeizi is menge kerehidu ku.

Su is menge g̵aked ku he etew, ebpemineg dan te menge lalag ku. Egkekilala ku sikandan ne edsundan dan kediey.

Ebeg̵ayan ku sikandan te untung he wazà pidtemanan, ne kenè en ebpatey is gimukud dan ne wazà minsan hentei he ebpekeag̵ew kandan dini te kedì.

Iyan a sikan is gemawan; ke zuen minsan hentei he edseled pinaag̵i kediey edlibriyen sikandin te silut. Iring sikandin te kerehidu ku he edseled te tudil ne egawas he ebpen-ahà te egkeenen.

Iyan a kes ed-elima te menge kerehidu he utew meelima. Netuenan ku ke hentei is Amey ku, ne netuenan din daan ke hentei a is anak din. Iring din ded daan is menge etew he g̵aked ku, netuenan dan ke hentei a ne egketuenan ku zaan ke hentei sikandan, ne ebpehimatey a he elili te menge etew he g̵aked ku.

Is Amey ku he Megbevayà he lavew te langun, imbeg̵ey zin sikandan kediey, ne wazà minsan hentei he ebpekeag̵ew kandan diyà te kandin. Sevaha key zà, siak wey is Amey ku he Megbevayà.”

Iyan a kes ed-elima te menge kerehidu he utew meelima. Netuenan ku ke hentei is Amey ku, ne netuenan din daan ke hentei a is anak din. Iring din ded daan is menge etew he g̵aked ku, netuenan dan ke hentei a ne egketuenan ku zaan ke hentei sikandan, ne ebpehimatey a he elili te menge etew he g̵aked ku.

Wazà a teg̵ela te minsan hentei he etew su ebpehimatey a te kediey he g̵ustu. Kediey zà he ketenged is kebpehimatey ku, ne kediey zà daan he ketenged is kebenhawa kediey su insug̵ù heini kediey te Amey ku he Megbevayà.”

Umba, migkag̵i en maan diyà te kandan te, “Utew venar is egkeg̵iyen ku keniyu he iring a te g̵emawan te tudil te menge kerehidu.

Is etew he sinuhulan dà, kenà tutuu he ed-elima su kenà kandin is menge kerehidu. Ne emun egkeehè din is ebpekeuma he leew he asu he egngezanan te lubu, ed-ewaan din haazà is menge kerehidu ne ebpelag̵uy. Ne ebengaan dutun te lubu is sevaha he kerehidu ne is duma, ne ebpekedsusuwey.

Ne impenurù ni Jesus is sempità, ke sikandin te, “Utew venar is egkeg̵iyen ku he ke zuen etew he edseled te tudil te menge kerehidu ne kenà diyà ebayà te g̵emawan su ziyà ebayà te selakew en he ibayà, ne haazà he etew, tekawen wey tulisan.