Popular Bible Verses from Azã 12

Share

La nẽra sãn bɔɔra tɩ a tõm bɔ mam, dẽnɩ tɩ a dɔla mam. La mam n boe zẽ'e-sɛka la, mam tõntõnna mẽ wʋn bɔna la bilam. La nẽra sãn tõnna bɔ'ɔra mam, mam Sɔ wʋn pẽgɛ ẽ.

Nẽr-sɛka n nõŋɛ a vɔm, a wʋn koŋe vɔm, la nẽr-sɛka n ka nõŋɛ a vɔm dũnia wã zuo, a wʋn tara vɔm n ka ba'asrɩ.

Mam yetɩ ya la sɩra sɩra, tɩ ba sãn ka bʋrɛ ke-biire tɩ a yɛm bule yese dee tɩ a mẽŋa põ'ogɛ, ke-bi-ẽŋa ayɩla mã'a n wʋn bɔna, la ba sãn bʋrɛ ẽ tɩ a yɛm na bule yese dee tɩ a mẽŋa ki, a wʋn wɔm biɛ zozo'e.

Mam de la peelem n wa'am dũnia zuo, tɩ nẽr-sɛka n bɔ'ɔrɩ mam sɩra kãn bɔna lika pʋam.

La nẽra sãn wõm mam yetɔga, dee ka sakɛ yetɔga la, la dagɩ mam n wʋn di a sarɩya, se'ere n soe la, mam ka wa'am tɩ m di dũnia dõma sarɩya, mam wa'am tɩ m fãagɛ ba mɛ.

Tɩ Amaari dɩkɛ tɩdarɛ ka-sõma ligri n zo'oge, tɩ ba wi'iri tɩ «naarɩ» n paagɛ lɩtrɩ pʋsʋka wa'am wa ka'agɛ ẽŋɛ Azezi nãma, dɩkɛ a zomto duuse ba. Tɩ yire la wuu lebge tɩdarɛ kaam na yũuŋo.

Tɩ ba kɔ karkɔnsɩ võorɔ tʋ'ʋsra ẽ, dee tɔgra ke'enke'em yetɩ: «Ozaana! Pẽgɛ-ya nẽr-sɛka n sẽm na Zuudãana Nawẽnnɛ yʋ'ʋrɛ la, ẽŋa n de Ɩsrayɛlɩ dõma naba la.»

Tɩ Azezi lerge ba yetɩ: «Wakatɛ la paagɛ mɛ tɩ Nẽrsaala Dayʋa la wʋn yẽ a na'am pãŋa.