Popular Bible Verses from Azã 6

Share

Tɩ Azezi lerge ba yetɩ: «Mam n de dia n bɔ'ɔrɩ vɔm na. Nẽr-sɛka woo n sẽm mam zẽ'am, kɔm kãn malɩn yõkɛ ẽ, la sɛka n bɔ mam sɩra, koyũuro kãn malɩn tara ẽ.

La de la Nawẽnnɛ Sɩa n bɔ'ɔrɩ vɔm na, nẽrsaala ka tã wʋn ẽŋɛ sɛla sɛla. Yetɔg-sɛba tɩ mam tɔgɛ bɔ ya la, ze'ele la Nawẽnnɛ Sɩa zẽ'am bɔ'ɔra vɔm.

Da tõnna-ya dia n wʋn sã'am ĩyã, tõnna-ya di-sɛba n bɔ'ɔrɩ vɔm n ka ba'asrɩ ĩyã, Nẽrsaala Dayʋa n wʋn bɔ ya vɔm ẽŋa. Se'ere n soe la, la de la ẽŋa tɩ Nawẽnnɛ n de Sɔ la bɔ ẽ a nõorɛ.»

Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Tɩ Azezi lerge ba yetɩ: «Tõon-sɛka tɩ Nawẽnnɛ boorɩ tɩ ya tõm, de la ya sakɛ sɛka tɩ a tõm na.»

Sɛba wuu tɩ mam Sɔ Nawẽnnɛ bɔ'ɔrɩ mam, sẽm mam zẽ'am mɛ. La sɛka n sẽm mam zẽ'am, mam kãn dige nẽra baa ayɩla basɛ.

Tɩ Asimõ-pɩyɛɛrɩ lerge ẽ yetɩ: «Zuudãana, tõma wʋn basɛ fõn dee sẽŋɛ la ãn zẽ'am? Fõn tarɩ la yetɔga n bɔ'ɔrɩ vɔm n ka ba'asrɩ.

Mam n de di-sɛka n bɔ'ɔrɩ vɔm n ze'ele Nawẽnnɛ yire sigum, tɩ nẽra sãn di di-ẽna, a wʋn vɔa wakatɛ wuu. La di-sɛka tɩ mam wʋn bɔ dũnia dõma tɩ ba yẽ vɔm na, de la mam ĩyã.»

Nẽra ka tã wʋn wa'am mam zẽ'am tɩ la sãn dagna mam Sɔ n tõm mam na n tarɩ ẽ wa'am. La mam n wʋn vo'oge ẽ dũnia ba'asgɔ daarɛ.

Dia sɩra sɩra tɩ Nawẽnnɛ bɔ ya la, de la sɛka n ze'ele Nawẽnnɛ yire sige dũnia bɔ'ɔra nẽrba vɔm na.»

Mam n de dia n bɔ'ɔrɩ vɔm na.

Tɩ Azezi to'oge borborɩ la pʋ'ʋsɛ Nawẽnnɛ, dee pʋɩ bɔ nẽrba la n zĩ la, la a daan ken ẽŋɛ zũma la mẽ na bɛla. Tɩ nẽra woo to'oge ẽn boorɩ se'em di tɩgɛ. La ban daan di tɩgɛ la, tɩ Azezi yele a karẽnbiisi la yetɩ: «Lagsɛ-ya borbor-gito la n deege la, tɩ sɛla da sã'am.»

Tɩ ba sẽŋɛ masɛ wʋ kilomẽtrɩ anuu bɩɩ kilomẽtrɩ ayoobɩ, yẽ tɩ Azezi sẽnnɩ ko'om na zuo lɛnna õorŋɔ la, tɩ dabeem yõkɛ ba. Tɩ Azezi yele ba yetɩ: «La de la mam. Da zoe-ya dabeem.»