Popular Bible Verses from Mark 2

Share

Nigaayung aḏaba na-Jesus ni-wawanggiyn wugurri-wuy, niga ni-yamayn, “Nugurru numburru-wijangayii nubagi wani-maji-wana-yinyung na-wurrujung. Niga waari ambani-nang warruburru-yung wurru-waḏa-waḏaḏ-mi-yinyung. Niga wani-nayii warruburru-yung wuu-lhangurrnganjii-yinyung, burru-yung-bugij. Ngaya anaani ngana-magana anaani-yung. Ngaya nga-yanggi anaanu-wuy, waari-yinyung warra-mamanunggu-yinyung. Ngaya nga-yanggi, ngambaa-gaḏii yungguyung warruburru-yung warraalaaladi-yinyung ngayawi-wuy.” Dani-yung ni-yamayn na-Jesus.

Na-Jesus nigaayung ni-mal-nayn nga wani-nayn warruburru-yung wurru-jambarrgiiyn. Marri nubagi-yung-guy nu-yamijgayn, “Guwaj, aḏaba nagang aadanu nundaarrbidi-mayn aadanu-wala anaaladi,” ni-yamayn niga, nu-yamijgayn.

Na-God ngarraagi ngu-maṉdhangi ngarraaḻirr-maṉngulg, warra-wurru-wurruj yungguyung. Yuga wani-maṉdhangi warra-wurru-wurruj ngarraagi yungguyung ngarraaḻirr-maṉngulg? Waari!

Yagu warraawurru-yung waari ambunu-warubaj-gaa niga, arraarrawindi yamba warraawurru-yung wurru-muṉḏugaa. Yagu anubanila-wala, wurru-wiḏangi arrwa-garrwar nga bagala wirri-gara-wawalhijgaa nigawi-rruj na-Jesus-duj ni-lhaay. Nga bagala wunu-dhirridijgaa naagi-yung. Ni-murrgulhi nigawi-nyinyung-duj anubani-yung ni-ya-yaay-inyung ama-yaaḻi.

Aadanu nugurru numburru-marrbuy ngaya-waj na-Niwiyayung na-Wurrujung-jinyung, anambaagajij-garruna nugurru aniij-galadi, anaani-rruj ana-lhal-uj,” ni-yamayn, marri anubani-yung ni-yambini nubagi-wuy naarra-wilwilwilujung-guy, “Ngaya anaani ngunu-magana, ba-ḻaḻagiiyn, marri bama-mang amudamu nugawi ama-yaaḻi marri ba-yaarri nugawi-wuy aanga-wuy.” Dani-yung ni-yamayn.

Ngaynjamang-maynji ngaynjambang, ‘Nagang nundaarrbidi-mayn anaaladi-wala,’ danu nga aniij-garrarra. Yagu anubani-yung-maynji ngaynjambang ‘Ba-ḻaḻagiiyn, bamba-mang mana-yaaḻi marri ba-yaarri,’ aadanu wiij-baḏa-waḏaḏ.

Yagu nigaayung ni-ḻaḻagiiyn marri nima-miyn manubama-yung mana-yaaḻi marri ni-yanggi aa-ḏabarabalu-wuy. Warruburru-yung wunu-nani wurru-wurrij-gaḻaaḻarriyn. Marri wunu-warraarriwaa na-God. Wurru-yamaa, “Waari ngaanggiij-nani, anaani-yung-jii anggiijamaa,” wurru-yamayn wugurru.