Popular Bible Verses from Jon 14

Share

Na dena munduna bipokndi i ene mina yendre, te na kordagl bipokndi i ene teinga. Na makandle yomba teimere yegl ene tekrika. Yeglpre ene nomano yumbun dekran te kundugl goglkriyo.

Yesus ka mongo di ikine ende tongwa, “Na nana konbauna mogl, ana ka kaima mogl, ana kor-meglkwa i na, nana moglka. Ana Nina moglmara enaglkwa i konbauna ta ta yeikrukwa. Ba na mina suwara yongwa.

“Ene kinde pirtre nomano yumbun dekrano, ene God wedi pirngi dindre, ana na akiye pirngi diyo.

Ba Holi Spirit ene akeple dinambuka, Nina eremogl na kangina mina diendinambuka. Ye ene taragl prapra beke tenambuka, te na ka okuna diteinga ikra ene prapra ditenambuka.

Ana yomba ta na ka kindine dinga i pir indre ana duglo borambuka i ye na wakai kaima kangwa. Yomba ta na wakai kanan ana Nina ama yombamo i wakai kanambuka, ana na ama ye wakai kandre ana na nana ye mina wu pene eimbo ye na kanambuka.”

Ana na Nina krapogl teimbo, ye ene akeple dinan yomburo panambuka pre ta tenan ana ye ene bogl aimande yene morambuka. I ka kaima dungwa Spirit, makandle yomba ta ikraglkwa. Sraglpre, ye ta kankre te pirpogl sikrikwa. Ba ene ye pirpogl singwa. Ipre ye ene bogl moglkwa, te ene mina suna morambuka.

Ana ene na kangina mina taragl ta pre krapotn, i pra eraglka. Yegl erambara i Nem kangiye kande Wam mina inambuka. Ana na kangina mina ene taragl ta pre krapogl dimbi ana i na pra eraglka.

“Ene na wakai kanimbi kade, ana na ka kindine dimere i ene duglo boraglkwa.

Na Nina yungumo mina igle kula merkinde yongwa, ana yegl ta yeikruma, na ene ta ditekriko. Ba na ende igle pindre ana ene moglpai eraglkwa dumono i akekun eraglka.

Ana na pindre angaino dumo ake kuno ertre, na ende ikine undre ene auro i-yeimbo, ana na moraglmara igle nono akiye moramga.

Tomas di Yesus tongwa, “Yaglkande, ene ende aglokra enga i no pirpogl sikunga. Ana konbauna yei ende dumo igle ongwa i srambre ere no pirkan eramne?”