Popular Bible Verses from Mako 9

Share

Ke Iesu einaka, “Afokapa koa! Kaisau epako'ania auga eegai kapa ma'oai agekaina,” eoma.

Ke imoi ama maaga mai'iuiuga mo efiaisakoa mo eagaga einaka, “Lau lapako'anio. Mopalagainiau e'u pako'a eapoke auga eegai mopapealaisau, mapako'a kapulanio,” eoma.

Ega'ina afegai Iesu emai e'ai ekoko aisama, ega imoi ogefakeai kepa'ani penia keinaka, “Kapa puo lai tiapolo amapapealaisa aoma aekainia?” keoma. Ke Iesu einaka, “Tiapolo iina koa i'opoga auga megamegai mo akepealai agekaina kai, kapa i'oinai auga afaekaina,” eoma.

Kikimalu kapa felo kai ega meki'a agefua koa aisama, ala alokapa oma alopameki'ania pugu? Iifa gome maamiai laifania, ifomi alomiai kikimalu meki'aga feka ega koa papiau fou gagaoai foagu,” eoma.

“Kaisau lau akauai imoi e'ele'i eifa koko'i auga, lau eifa kokoisau, ke kaisau lau eifa kokoisau auga, lau aeifa kokoisau kai, lau eulaisau auga eifa koko,” eoma.

Gome kaisau oi lau Kristo au e'u imoi puogai akauai kaputi feina agepenimi auga, iifa gome maamiai laifania, afa felo ageafia paisa,” eoma.

Ke Iesu eifa pugu einaka, “Kaisau imoi e'ele i'ina aga'o lau epako'aniau auga laomai apala aga'o agepakina agekapa koa aisama, aisogai fo'ama kepaikumu'a kepo akaiki'a fekepaaukopa kai, a'uai feke'afolaisa.

Ke maamu epagagapainio apala lokapa koa aisama, fo'iulaisa. Maamu aga'omogai Deo ega agofa'ai alokoko auga felo kai, maamu gua lo aealoalo afugai alokoko auga apala ipauma.