Popular Bible Verses from लोमा छ्‍येतिवी लाका 2

Share

तमा पत्रुसकी तिवाला सिक्‍यासुङ, “ख्‍यिराङ तेरीकी ख्‍यिरा क्‍यावु दिक्‍पा नेमा थरुपला सेम ग्‍युर्नी येशू ख्रीष्‍टकी मिङला बप्‍तिस्‍मा लो! तमा कोन्‍छ्‍योककी थु चाङ्‍माकी ङ्‍येम्‍बा ति ख्‍यिराङला थोप्‍कितो।

तमा तिवा यम्‍बा तेपा कितुपतिवा ताङ मुला थिन्‍नी लोमा छ्‍येतिवी येन्‍देन ङ्‍येन्‍दुप ताङ डिक्‍जोम कितुप ताङ चोवोकी डेन साप लाका ताङ मोपोर क्‍या क्‍यावा देकिनोक।

तमा ते जोम्‍बुपतिवा तेरी कोन्‍छ्‍योककी थु चाङ्‍माकी क्‍येङ्‍नी थु चाङ्‍माकी ओङला ग्‍येताम कुतुक कुतुकला तिवी ताम्‍ङे कितुप छाल्‍सुङ।

ती पेला शार्क्येक देवाच्‍येन नेमा वोरु यी वावु तिवी थोसुङ। ती वोरु ति कशेन लुङ ग्‍येर्पुकी वोरु दोके नोक। तमा तिवा देन वोतुप खाङ्‍बा तिरुङ क्‍येङ्‍सुङ। तमा ते मे मेवुर च्‍यिन्‍दै वावु ति तिवी थोङ्‍सुङ। ती मेवुर ति छो छो गल्‍नी तिवा रे रेकी गो खला देसुङ। तमा ते जोम्‍बुपतिवा तेरी कोन्‍छ्‍योककी थु चाङ्‍माकी क्‍येङ्‍नी थु चाङ्‍माकी ओङला ग्‍येताम कुतुक कुतुकला तिवी ताम्‍ङे कितुप छाल्‍सुङ।

तिवा ङ्‍यिमी टेङ सेम च्‍यिक्‍पा राङ च्‍युङ्‍नी यहूदी ल्‍हङाङला जोम्‍गिनोक। तमा खाङ्‍बा खाङ्‍बाला कताङ्‍नी मुला राङ देनी सेम गा ताङ क्‍यानी समा सेनोक, कोन्‍छ्‍योकला सोवा देकिनोक। तमा तेरी मीतिवी तिवाला ल्‍यामु सिनोक। दिक्‍पा ने थरुपतिवाला ति कोन्‍छ्‍योककी ङ्‍यिमी टेङ फेल्‍नी डो ज्‍यिकिनोक।

‘ज्‍युक्‍थमाला ङ तेरी मीतिवी खला ङे थु ति तोङ्‍गितो। तमा ख्‍यिरा पुज्‍युङपुमतिवी नम्‍दर शेकितो। ज्‍येन्‍दातिवी कोन्‍छ्‍योककी ज्‍यल्‍का थोप्‍कितो। तमा गावागुवातिवी मिलाम थोङ्‍गितो।

ती तेपा कितुपतिवा तेरी मुला राङ देकिनोक। तमा दाक दाक्‍पी मुला वोतुप तेरी च्‍यालकतिवा पिर्मा क्‍यानी थोकिनोक। तिवी खोप्‍राङ मुला वोतुप टोङ्‍बा ताङ समा च्‍यालकतिवा साङ चोनी कतुकारला ख्‍येलुपतिवा तेरीला गोनी तेर्किनोक।

ती पेला सी ङला र्‍होक्‍टे की सिनी चोवोला गोङ्‍बा शिवे, तिवाला थर्वा ङ्‍येकितो।’

तमा चोवो कोन्‍छ्‍योककी मोवा ताङ ग्‍येछ्‍यावु तुजे वुङ्‍गुप सिनाङ गोमाला ङ्‍यिमा नक्‍तोमी डितो। उला ति ठक दोके मर्वु डितो।