Popular Bible Verses from लोमा छ्‍येतिवी लाका 4

Share

येशू मिसिन सी साङ दिक्‍पा ने थर ज्‍यि मुथुपी। च्‍यिलासिसिन दी जम्‍बुलिङला मी पर्ला कनी साङ दाक्‍पुला दिक्‍पा ने थर ज्‍यितुप यम्‍बा मिङ काङ साङ मे।”

तुक सिनी मोपोर क्‍यान सिन्‍सिमा तिवा देतुप दासाला सयी ग्‍यपुप दोके क्‍यानी योसुङ। तमा तिवा तेरी कोन्‍छ्‍योककी थु चाङ्‍माकी क्‍येङ्‍नी तिवी ङाडेङ क्‍यानी कोन्‍छ्‍योककी सुङ ख्‍याप्‍टाक क्‍यासुङ।

ओ चोवो कोन्‍छ्‍योक, त याङ ङ्‍यिराङला छेटाङ दुङल तेरुपतिवाला ल्‍हानी ख्‍योरे शब्‍ज्‍यी बुलुपतिवाला ङाडेङ क्‍यानी सुङ ख्‍याप्‍टाक कि थुपुप जोटे की।

येशू ख्रीष्‍ट ति दो दोके यिन सिनी कोन्‍छ्‍योककी सुङला वे। ‘ख्‍यिराङ खाङ्‍बा जोपतिवी दी दो ति फेन मोथोवी सिनी क्‍युर्सुङ, यिने ती दो ति तेरी सिनाङ सुरकी दोला गाल।’

पत्रुस ताङ यूहन्‍ना काङ साङ मालापुप ताङ येन्‍देन मेतुप यिन्‍सिनाङ तुका ङाडेङ वोतुप थोङ्‍नी ते वावु मीतिवा हलेवा क्‍यासुङ। तमा पत्रुस ताङ यूहन्‍ना येशूकी मुला युकुप मी यिन सिरुप ति तिवी हाक्‍कोसुङ।

तमा तेपा कितुपतिवा तेरी सेम च्‍यिक राङ च्‍युङ्‍नी थिन देकिनोक। तिवा सी साङ खोप्‍रे नोर टोङ्‍बातिवा “दी ङे ति”, “ती ख्‍योरो ति” सिनी मिसिर्नोक। यिने तेरीकी खोप्‍रे च्‍यालकतिवा पिर्मा किनोक।