Popular Bible Verses from यूहन्‍ना 17

Share

पपी सुङ ति टेङ्‍बु वे, ती टेङ्‍बु वोतुप सुङ नेसुर राङ तिवाला चाङ्‍मा जो नाङ।

तमा नाम्‍साङ मिशिवु मिजी ति च्‍यिक राङ वोतुप कोन्‍छ्‍योक टेङ्‍बुला ङो शेवु ताङ पपी तङ्‍गुप येशू ख्रीष्‍टला ङो शेवु यिन।

“ङ तिवी थोक्‍ला तिराङ मिन, यिने तिवी लापुप सुङ ङ्‍येन्‍नी ङला तेपा कितुपतिवी थोक्‍ला साङ मोपोर कितिन। ओ पपा, पपा ङे मुला वोतुप ताङ ङ पपी मुला वोतुप दोके तिवा तेरी च्‍यिक राङ च्‍युङ्‍नी तिवा साङ दाक्‍पी मुला राङ च्‍युङ्‍शी, तमा पपी ङला तङ्‍गुप यिन सिरुप ति जम्‍बुलिङकी मीतिवी तेपा किशी।

ङे मोपोर क्‍यावु ति पपी तिवाला दी जम्‍बुलिङ ने टि फेप सिनी मिन, यिने तिवाला दुक्‍टा शैतान नेसुर र्‍होक्‍टे कि सिनी यिन।

पपी ङला नङ्‍गुप मोवा ति ङे तिवाला थोप च्‍यितिन। ती ति पपा ताङ ङ च्‍यिक राङ यिन्‍दुप दोके तिवा साङ च्‍यिक राङ च्‍युङ ज्‍यितुपला यिन। ङ तिवी मुला वोतुप ताङ पपा ङे मुला वोतुप ति तिवा तेरी च्‍यिक राङ च्‍युङ्‍गुपला यिन। तमा ती ति पपी ङला तङ्‍गुप ताङ पपी ङला ङ्‍यिङ्‍ज्‍ये क्‍या नङ्‍गुप दोके तिवाला साङ ङ्‍यिङ्‍ज्‍ये क्‍या नङ्‍गिवी सिरुप ति जम्‍बुलिङकी मीतिवाला हाक्‍को ज्‍यितुपला यिन।