तमा तिवी खयुप सोनी सिन्सिमा येशूकी सिमोन पत्रुसला “यूहन्नाकी पुज्युङ सिमोन, ख्योरो ङला दी यम्बातिवी सिनाङ मङ ङ्यिङ्ज्ये किवी?” सिनी टिसुङ। तमा पत्रुसकी खोला “लसे चोवो, चोवोला ङे ङ्यिङ्ज्ये क्यावु ति चोवोला राङ छ्या वे।” सिनी सिक्यासुङ। तमा येशूकी तीला “ख्युरुङ ङे लुक रुकतिवाला चोसा।” सिनी सुङ्सुङ। थेङ्मा ङ्यिवाला येलुङ येशूकी पत्रुसला “यूहन्नाकी पुज्युङ सिमोन, ख्युरुङ वुतुङ के ङला ङ्यिङ्ज्ये किवी?” सिनी टि नाङ्सुङ। तमा पत्रुसकी “लसे चोवो, चोवोला ङे ङि्यङ्ज्ये क्यावु ति चोवोला राङ छ्या वे।” सिनी सिक्यासुङ। तमा खोकी तीला “ख्युरुङ ङे लुकतिवाला ल्होसा।” सिनी सुङ्सुङ। तमा थेङ्मा सुम्बाला येशूकी पत्रुसला “यूहन्नाकी पुज्युङ सिमोन, काङ ख्युरुङ ङला ङ्यिङ्ज्ये किवी?” सिनी टि नाङ्सुङ। खोकी थेङ्मा सुम सेक “ख्योरो ङला ङ्यिङ्ज्ये किवी?” सिनी टिन नङ्सिमा पत्रुसला छासे पप लानी येशूला “चोवो, चोवोला राङ तेरी छ्या वे। चोवोला ङे ङ्यिङ्ज्ये क्यावु ति चोवोला राङ छ्या वे।” सिनी सिक्यासुङ। येलुङ येशूकी पत्रुसला सुङ्सुङ, “ख्योरो ङे लुकतिवाला चोसा।