Popular Bible Verses from लूका 14

Share

“सु ङे तिङ्‍ला तिङ्‍योकुप नो किवे, तीकी खोरो पपाआमा, पेजापेर्मी, अच्‍युनुप, अज्‍यीनुमतिवा ताङ खोरो मिजीला साङ ङला सिनाङ मङ ङ्‍यिङ्‍ज्‍ये किवी सिसिन ती ति ङे लोमा च्‍युङ मुथुपी।

सु खोरो ग्‍यङ्‍शिङ खुर्नी ङे तिङ्‍ला तिङ मोङ्‍योक वे, ती ति ङे लोमा च्‍युङ मुथुपी।

च्‍यिलासिसिन सी रङला येर देकिवे, ती ति मो बेप्‍किवी। तमा सी रङला मो बेप्‍किवे, ती ति येर देकिवी।”

दी दोके क्‍यानी सी खोरो लोला वोतुप ति तेरी ङे थोक्‍ला क्‍युर्नी मोज्‍योकवे, ती ति ङे लोमा च्‍युङ मुथुपी।”

ख्‍यिरा पर्ला मिरा च्‍यिककी चिवुर गुतोक यी जोप नो क्‍यासिन ती जोनी सिन्‍दुप चोयी डोसुम ति खोरो लोला वो ताङ मे सिनी गोमाला राङ देनी ची क्‍यानी ल्‍हा मोगोवी रो? तुक माक्‍यानी तीकी डम्‍ज्‍यी तिङ सिन्‍सिमा के तीला जोनी सिन्‍दा कि माथुप्सिन तीला ल्‍हाप मीतिवा तेरीकी ती मी तीला मर्च्या क्‍यानी दुक सिवी, ‘दी मी तीकी जोप याङ गो चुसुङ, यिने सिन्‍दा ति कि माथुप।’

बोरु ख्‍योरो डेन कितुप पेला पेराङ्‍बुतिवा, युक मुथुवुतिवा, थेङ्‍बातिवा ताङ मिक शर्वातिवाला केच्‍या की। तुक क्‍यासिन ख्‍युरुङला मोलाम थोप्‍किवी, च्‍यिलासिसिन तिवी ख्‍युरुङला किन्‍बा लोक्‍नी तेर मुथुपी। यिने कोन्‍छ्‍योककी थोङ्‍दाङला टेङ्‍बु वोतुपतिवा शेप ने सेन्‍बु लङ्‍गुप पेला कोन्‍छ्‍योककी ख्‍युरुङला किन्‍बा लोक्‍नी नङ्‍गिवी।”

“छ ति ल्‍यामु यिन, यिने छे टोवा ति तोर्सुङ सिसिन चुक क्‍यानी तीला येलुङ छेटोक जो थुप्‍किवी? ती याङ सला साङ फेन मोथोवी, छ्‍याला साङ फेन मोथोवी। तुक क्‍यानी मीतिवी तीला फिला क्‍युर्किवी। सी ति ङ्‍येन्‍दुप नम्‍ज्‍योक नोके, तीकी ङ्‍येन्‍शी।”