Popular Bible Verses from लूका 18

Share

ती ज्‍युक्‍ला येशूकी खोरो लोमातिवाला नरी मोपोर कि गोकिवी, तमा यी छ्‍येता कितुप मेङ्‍गिवी सिरुप कोर्ला खोकी दुका पे यी सुङ्‍सुङ

काङ कोन्‍छ्‍योकला ङ्‍यी ताङ नुप्‍ज्‍या गोङ्‍बा शोप खोरे पेतुपतिवी थोक्‍ला खोकी ठिम फिमु क्‍या नङ्‍गिवी रो? ङ ख्‍यिराङला सिरिन, खोकी टिम्‍बु राङ तिवाला ठिम टेङ्‍बु ङ्‍ये ज्‍यिकिवी। यिने ङ मी पुज्‍युङ वुङ्‍गुप पेला जम्‍बुलिङला तेपा ठेकिवी रो?”

येशूकी सुङ्‍सुङ, “मीकी कि मुथुपुप लाका ति कोन्‍छ्‍योककी कि थुप्‍किवी।”

ङ्‍यिमा अलायी सेक याङ ती ठिम कितुप तीकी पेर्मी युक्‍सिमकी ताम्‍ङे माङ्‍येन। यिने ज्‍युक्‍ला तीकी खोरो सेमला ‘ङ कोन्‍छ्‍योकला साङ ज्‍यिवा मिकी, मीला साङ ङ्‍याम मिकी, यिन्‍सिनाङ दी पेर्मी युक्‍सिम तीकी नरी ङला छेरा लोङ्‍गुप तप्‍की ङ दीला ठिम क्‍यानी तेरिन, मिसियाङ दी ति नरी वानी ङे शा ताङ ठक तेरी सेवी।’ सिनी सिक्‍यासुङ।”

ङ ख्‍यिराङला टेङ्‍बो सिरिन, चुका मी तीकी दी आङा टिक्‍पेतिवी दोके कोन्‍छ्‍योककी ग्‍येल्‍खाप खोरो सेमला मिलिङ वे, ती ति ती नाङ्‍ला शुक मुथुपी।”

यिने येशूकी ती आङातिवाला खोरो चिप्‍ला कताङ्‍नी सुङ्‍सुङ, “आङा टिक्‍पेतिवाला ङे चाला वुङ च्‍यी, तिवाला माग्‍येक। च्‍यिलासिसिन कोन्‍छ्‍योककी ग्‍येल्‍खाप ति दिवी ति यिन।

येशूकी तीला सुङ्‍सुङ, “ख्‍योरो मिक थोङ्‍गुप ङ्‍येशी। ख्‍योरो तेपाकी ख्‍युरुङ टेक्‍सुङ।”

तमा येशूकी तीला सुङ्‍सुङ, “ख्‍युरुङ च्‍यिला ङला टेङ्‍बु सिवी? कोन्‍छ्‍योक मिसिन यम्‍बा सु साङ टेङ्‍बु मे।