Popular Bible Verses from लूका 3

Share

तमा तेरी मीतिवी बप्‍तिस्‍मा लासुङ। येशूकी साङ बप्‍तिस्‍मा लानी मोपोर कियी वोतुप पेला देवाच्‍येन सेसुङ। ती पेला कोन्‍छ्‍योककी थु चाङ्‍मा ति गम्‍देर दोके क्‍यानी खोकी खला पाप्‍सुङ। तमा देवाच्‍येन नेमा “ख्‍युरुङ ङे ङ्‍यिङ्‍ज्‍येवु पुज्‍युङ यिन, ख्‍योरो मुला ङ छासे गा ला वे।” सिरुप वोरु यी वासुङ।

तिवी नोवा हाक्‍कोनी यूहन्‍नाकी तिवा तेरीला सिक्‍यासुङ, “ङ ख्‍यिराङला छ्‍यु थ्‍वोनी बप्‍तिस्‍मा तेरिन, यिने ङ सिनाङ मङ ओङ छ्‍येवु वोतुप मी यी फेपिन वे। ङ याङ खोकी शप्‍चेकी र्‍हाम्‍डोक डोलुप साङ पोमु मे। खोकी ख्‍यिराङला कोन्‍छ्‍योककी थु चाङ्‍मा ताङ मे नेसुर बप्‍तिस्‍मा नङ्‍गिवी।

वुतुङ के ख्‍यिराङ दिक्‍पा ने सेम ग्‍युर्नी कोन्‍छ्‍योककी थाकाला वावु यिन्‍सिन ती दोके लाका ल्‍यामु की। तमा ख्‍यिरा सेमला ‘दाक्पु ति अब्राहामकी गिपा यिन।’ सिनी सिरुप माछोल। च्‍यिलासिसिन ङ ख्‍यिराङला सिरिन, कोन्‍छ्‍योककी दी दोतिवा नेसुर साङ अब्राहामकी गिपा जो थुप्‍किवी।

दोङ्‍बी शापला तरी ख्‍येल्‍नी सिन वे, तमा डेलु ल्‍यामु मोगोरुप तेरी दोङ्‍बुतिवा च्‍येनी मे नाङ्‍ला क्‍युर्किवी।”

ती ति कोन्‍छ्‍योककी लुङ्‍तेम्‍बा यशैयाकी कोन्‍छ्‍योककी सुङला टिवु दोके राङ च्‍युङ्‍सुङ। “दासा पाङ्‍थेरीला मिरा च्‍यिककी थोर ग्‍यप्‍नी सिवी, ‘चोवो फेपुप लाम टडिक की। खोकी थोक्‍ला लाम थेकाङ जो। तेरी बुक्‍योकतिवा सोप गोकिवी, तेरी री ताङ पम्‍दोकतिवा तेल गोकिवी, लाम क्‍यका क्‍योकातिवा थेकाङ जो गोकिवी। तमा लाम कलेतिवा जोल्‍हमु जो गोकिवी। तमा तेरी मीतिवी कोन्‍छ्‍योककी थर्वा नङ्‍गुप ति थोङ्‍गिवी।’”