Popular Bible Verses from Maakaꞌ 13

Share

Dii' teing ookara nantoonge munte'daariaining ning nkaang miring-po'nupoong deentariko, ee'noko naning purimpario' bera asirana'mung basiaravaing deeko' domamparavaing.”

Teka dii' tanatarariri otorimaatoai, kunsi ninka tanterariri, ai' dii'ke noru'eria' batei tavo'aravainoo'.

Ee'noko teinge dai'daarima tuutunang-koo be'antaraariko avitoitoi noru' manki' doriauka' paa'erima minkueriaina'. Teka teinge tana'daariko, Kumponinge kapoo' tenang ee'nang naururiko tamung kato minkueriaing. Dii' dii'ka tee kareriauka'nung, teka tee Tanuaang Meekung karoaing.

Paning ee'noko kansi' teing oparavaininge teka nkaang kara tee oparavauka'nung.”

“Naninge noru'ua' batei poainoo'. Paning-nupoong koosinunukai noru'aava'. Ninge tee bauringe noru'ampa'. Teka teie Mma' narunge noru'ui otong tee batei.

Teka aroreriauka' karenanka tavo'kaako ee'noko tavo'kaavaining-koo taaraverima. Kapoo'nanka tee' oro' tee nkoaravaining, teka botu mme' due'ua'.

Teka dii' teing tanatarariri otorimaatoaing. Noru'eria' arenang dee'ma pava okonara poainge, ai' pa muung-aapenang, ai' pa meu'namang, ai' pa siimporovuko˜, ai' pa tane'nang. Ta'nina' poma deeko' aasirio' po'neeng. Teka ninge naurampimana' ookara nauarama aa'pamaung: Teka dii' teing navo'ka tarerariai.”

Narung kansi' i'amparama nii'nara kansi' tavuainge, ee'noko narung muu' i'amparama nii'nung muu' turampuainge. U'mi' avitoitoi nkoaravainge ee'noko nantoong peera-koo booroainge. Tutuna'ning teing oraka' mantong manikumai tooto' ponto'ke due'uko mantona'.

Ee'noko doorenang tampara navo'ka tutung daankiari otoai nantoong amutemurii'koo.

Mmau' nantoong poroaing nkaang miring tampaama, aa'paama, ‘Ning tee ee'nara.’ Ee'noko nantoong mmau' papaara-antavaariai tee' minkuaama.

Teka dii' tampa' tarerariai. Ee'noko ta'niniriauka' nantoonge dii' dai'daarira tuutunantaariko koompaara'navitu-koo, nii'noo' murasiaraariko pava dootuu'nairu-koo. Dii' teing donkong-antaraariai ovo'ma'nuka-anko ee'noko dauraronuka-anko dii' nkaang miring sira'koo miru'nii'nuka deentariko'.

Ai' teing nakaro-nupoong ee'noko pako'pari'nii'nuka daang Kumponing-etaning tamparimaing porora taa'ni'anta pankenanka ta'nimpaarii'na' nkoaavaing nantoong tosiaarima Kumponing bakaning naro'ka papaara-antavaarii'naang, tavo'arapeu'nung-pina'.

“Tenang batei arikung bakearako tee duaa' tenang mutaanampuai ee'noko kaara arakavaravauka'. Ee'noko beento'nanka tankavariai paning-eta. Ee'noko purinto'nanka paning-koo otoromaing dankampariai.