Popular Bible Verses from YOHANES 12

Share

Séé'-séé' éh juk maneu' kereja' Ké', jian éh kivu Akeu' mu'un, dokoo' semah-semah Akeu' pu'un, sinah ke' kelunan éh kivu sohoo' Ké' inah. Séé'-séé' éh maneu' kereja' Ké' kenat, Tamen Ké' ngajung éh, ha' Yésus ngan réh.

Séé'-séé' éh mihau urip néh tengéé', tawang urip néh inah. Bang séé'-séé' éh bé' seruh mihau urip néh tengéé' tong tana' iteu', inah éh pu'un urip pelinguh.

Akeu' bara' mu'un ngan keh, hun lu' modoo' jah lo'ong parai, jah lo'ong awah ke' éh. Bang hun lu' mulah éh tong tana' ke' néh nyekaa', boh éh pu'un buaa' éh pinaa'.

Pu'un Akeu' tuai tong tana' iteu' dokoo' Ké' perema tong tana' iteu', jalan siget-siget kelunan éh ngelan tong Akeu', bé' éh mokoo' tong merem kepéh.

Séé'-séé' éh menéng ha' tebaraa' Ké' bang bé' éh kivu éh, bé' éh Akeu' éh ngukum éh. Bé' Akeu' tuai tong tana' iteu' dokoo' Ké' ngukum kelunan, bang inah Akeu' tuai dokoo' Ké' purip kelunan.

Boh Meriam alaa' jah gutun anyuu', éh ma'an mu'un-mu'un melih. Anyuu' inah éh senuai jin lakat anyuu'. Iah tioo mujek anyuu' inah tong gem Yésus ngan mitit éh palaa' bok néh kepéh. Jian ba'oo' kekat lamin iteu' neu' anyuu' inah.

Boh réh alaa' da'an éh barei' da'an uvut réh nah ke' réh tai temeu' ngan Néh, ja'au ha' réh mejing Allah, ka' ha' réh, Mejing Allah, jian mu'un Iah éh tuai dalem ngaran Tuhan. Jian mu'un Iah éh Raja' kelunan Israel, ha' réh.

Ka' ha' Yésus ngan roh, Hun iteu' lepah avéé' jaka' Anak Kelunan juk kenajung kekat kelunan.