Popular Bible Verses from Yon 10

Share

“Tasiyas tavveinaw imimeis va̱gan kid biveinaws, o biwaways, biyagages youd babaw. Yey gog nam mwamov silma̱nin, va̱gan kid bukumwamovsa singay.

Yey tamtakavatein aleig, agusinap bwein; bo batam mwamovag ba̱mat, silma̱nin aleig bimwamovs.

“Aleig tatoneig iliganes aygag, o yey akakin tasiyas; tasiyas-vak ibukunigs. Basekes simwamov bises bisigeg; nag aveiyag biyagages; nag. Takwekway nag bikwayes tasiyas; nag. Sigwey tasiyas bakasigeg.

“Aleig tatoneig iliganes aygag, o yey akakin tasiyas; tasiyas-vak ibukunigs. Basekes simwamov bises bisigeg; nag aveiyag biyagages; nag. Takwekway nag bikwayes tasiyas; nag. Sigwey tasiyas bakasigeg.

“Yey koukwed yey. Tasiyas beisiws waseg yey mo biba̱nes sikabmwamov; bisesus bwein; tuta babaw bimimeis, binineis, kaeis bwanabwein bikamkwams, simwamov silma̱nin.

“Yey tamtakavatein aleig, agusinap bwein. Yey akakin aleig. Tasiyas ma̱wan ikakins yey.

“Tamag bo isekeig gungamag tasiyas. Nag kal towen takwekway kadilok bikwayes Tamag waseg, peinan Tamag Tatawtoun tonen. Yey soug Tamag katanok-wan.”

Tamag ma̱wan ikakin yey; yey-vak akakin Tamag. Bo batam mwamovag aleig pines.

Nag kal bikow mwamovag, nag; tatoneig bo atam. Kadilokeig mwamovag basem; kadilokeig bakow vayuwein. Peinan Tamag nakaleiwag waseg yey bo ma̱wan.”

Vayuwein Yeisuw mo idibakes, ilana, “Mounid adibakeimiy yey koukwed silma̱nin sip beisiws bineis wanuwan.

“Kukin kal bisa̱yin va̱gan bimtakavatay sip mo maysan wotet bikow, tage gamag towen nag bivna̱ses beibwein, nag. Towen gog tanuwagan bivna̱ses beibwein. Kukin kal bisa̱yin silma̱nin wotet towen, igaw bikin bulawud awuk avakaein bo neim, mo bisawl, bilisawes mansiyas sip, peinan nag tanuwagan tatonen; bulawud awuk mo biyousis sip mwasanin, asibabaw bikatigayays.

“Mounid adibakeimiy, kukin kavel bipiyev sip anakal awkwedan, tage inaked kweitan mo beisiw bein wanuwan, mounid tavveinaw mtowen. Tage towen beisiw wakoukwed waseg, adok mtowen tanuwagan alen sip. Takaymatein koukwed bikaliyow, alen mo bimgwayes binounas bineis.