Popular Bible Verses from Exodo 2

Share

Et dinngen Apo Dios nan dawatda. Danat nemnemen nan nakitolagana isdin alal-apoda ay da Abraham, Isaac yas ken Jacob. Gintekna nan mapalpaligatan nan Israelita danat seg-angan daida.

Nallos pay nan kaat ay tew-en dat matey san ali id Egipto. Gapo tay dadama ay maligligatan kayet nan Israelita isnan ipaob-oblan di iyEgipto ken daida et ninseg-angda ken Apo Dios.

Masiken pay san onga dat isagong inana issan anak di ali et inbilang et san anak di ali ay anakna. Danat kanan en, “Gapo tay dinas-ak isnan kad-an di danom isonga ngadnak is Moses.”

Daet kanan san anak di ali issan in-ina en, “Alaem nan naay ay onga ta talaknem pala ken sak-en et esak lagbowan sik-a.” Danat alaen san anakna et talaknena.

Maaw-awni pay daet omey nan babai ay anak di ali ay men-emes issan ginawang dapay mendad-aan nan babaana ay bababai issan bengetna. Dat ilaen san anak di ali san tampipi issan kad-an di tannobong danat ibaa nan esay baana ay mang-ala.

Nallos nan ado ay tew-en et nasiken et si Moses. Isnan naminsan ay agew ay inmey isnan kad-an nan iib-ana ay Hebreo et nailana nan mangpalpaligatan nan iyEgipto ken daida ay men-obla is mendagsen ya inilana pay nan mangsogsogtowan nan esay iyEgipto isnan esay kailyana ay Hebreo. Isonga dat menmolimoli si Moses et idi mailana ay maid mangiila ken siya danat pateyen san iyEgipto danat ikaob isnan lagan.