Popular Bible Verses from San Lucas 23

Share

Huanäi Jesús ínel jiaahua: —In Átchay, Akë am jiokore, bueïtukim kaa jüneiya jita bem joähui. Jume sontarom éntok, juka Jesústa sánko näikimtek. Huanäi náhuim ä jätek.

Jesús éntok ínel ä yómmiak: —Lútüriapone ínel émou jiaahua, enë sep ínomak annake, áman paraísöpo.

Huanäi Jesústau ínel jiaahua: —Inohuë huáate, béja reytaka äbo yepsäteko.

Huanäi Jesús tüisi kusisi cháchayek, ínel jíaka: —In Átchay, em mámpone juka ín espíritu yétcha. Ínëli jiausuka muukuk.

Áman mukila kóba káhuï téäu yájakam juka Jesústa kúrusit poponak, éntok huame guoy juëna yóremem áa béuchi, huépülak ä bátam bétana, senuk éntok ä míköri bétana.

Jíba tua béja lúl‑la kátekay. Huanäi sïme ániat kaa machika taahuak, bájim jiäu tájti. Huanäi jü täa kaa machisi taahuak. Jum tiöpopo éntok, jü cortina násuk áman síutek.

Huanäi hua romapo sontaro yäut íkäi bíchaka, Diosta úttileka taahuak, ínel jíaka: —Lútüriapo ï yoreme lútüla jíapsihuamta jípurey.