Popular Bible Verses from San Lucas 22

Share

—Tata, idxa's ewuweçxte', seena' nxuste uuwa'ju meen nwe'we. Nawa adx jxthãasni's kxtey yuumeeçxawa, iidx jxthãasniçxá's kxtey meen yũu jĩte'

Nawa adxa' iidx pa'gate Dxusa's neewe'weth, Dxusçxáana yajkxna fxi'zekahn. Aça' idxa' Dxus tasxte ki' sxawedçxa', yakhthẽ'jwe'sxtxi kçxhãaçxha'jane'ga Dxus yakh txutemée fxi'zewa'ja's jĩte'

Txajũ' pana'swa Dxusna weçxana orãyçxa', pe'ltedeçxa txãawe'sxtxi ũsu'sku na'jĩna: —I'kwe'sx pa'gate adx kakwe' dukhwa'j yuuya'wa', aça' naa pana' adx kakwe na'wẽsa'. I'kwe'sx pa'gate adx pxthaa yuuçxa uuni's yajkxna txã'wẽ myũuwe bagaçxtewa.

Ũ'na jxã'jçxa', waso's jxpa'gaçxa na'wẽk we'we: —Adx eea's pkawçxa yuuçxáak Dxusa' i'kwe'sxtxi nwe'wewa'ja's u'se pheu'jçxa nvxiht. Aça' naa wasotewe'sxa' adx ee na'wẽsa'.

Txã'wẽme' wala yuh pxthaa nxusna Dxus yakh puutx we'wena u'pu'k naa pa'ga pẽ'ç yuhwa ee na'wẽsak wala pkaw.

Nawa i'kwe'sxa' txã'wẽ yũuna jxkaahwa'jsameei'kwe, wejxwa i'kwe'sxa' maaíi yu' jxthaakwe walasa ũsçxawa, nuuçxsa na'wẽ yuuwa'j ji'phi'kwe. Aça' maawa jxkaahwa'ja's ji'phsa', selpisáa na'wẽçxáa yuuwa'j ji'phi'kwe.

Jesus ki' we'weçxa na'jĩk: —Pedro, idxa's na'jĩ'th na': ãçxhíi atalx we'wemeyna, idxa' tekh us ĩsxĩijaçyã'j yuune'ga adxa's jiimeeth jĩna.