Popular Bible Verses from San Lucas 8

Share

Nawa nasa ũus ewsa Dxus yuwe's jxpa'yakx wẽsẽ'jçxa nwẽesẽ'jna Dxus yakhçxáa u'juçxa', kĩhsuwa ewçxáa yũuna fxi'zena, txã' maz nxinx yu' kiwe ewsate ũsxisáa na'wẽta'.

Aça' maz nxinx çhũçh ksxavxysu ũsxisá', nasa wẽsẽ'jçxawa, naa kiwetewe'sx ji'phu wẽeniçxá's yajkxna pa'pçxuna ewmeesuçxáa weçxweçxa fxi'zesa jĩni'. Sa' Dxus yuwe's peçxkanatxna, aça' kxul íiçxáa yuuna.

Aça' maz nxinx kwet-su ũsxisá', nasa Dxus yuwe's jxpa'gaçxa maz en yu' weçxana wẽsẽ'jna fxi'zetxna. Nawa ũuste ew yu'akhmeeçxa', thẽysa nxusu en pa'theçxáa, Dxus tasxu ki' txuteetxna jĩni'.

Txajũ' txãa yakh u'jusawe'sxtxi' na'jĩk: —¿Mjĩiçxakwe Dxusa' pu'çxhina sũhna yajkxmée? jĩte', txãa yakh u'jusawe'sxa' ũukhçxa txãawe'sx pwe'sxçxáatx na'jĩna puutx we'we': —Naa piçthẽ'ja' ¿kimki açki'tx wejxaa wala ĩkh txã'wẽsa yuhwa nwẽese'je'? jĩ'tx.

Aça' maz nxinx dxi'jsu ũsxisá', nasa Dxus yuwe's wẽsẽ'thewa eçxthẽ'ja' kutxi'jina wẽsẽ'jçxa yu'akhni's jĩni'. Txã'wẽ Dxus yuwe's ũusuh kutxi'the', txãawe'sx ũusa' vxituna.

Makwe paaçte sũthnisaçxawa, kĩh yuhwa ãate vxyaamée yu' neeyũuwa'jme'. Sa' makwe ũusteçxáa yaakxnisa'swa, kim yuhwa ãate jiyunimée yu' neeyũuwa'jme'.

Aça' txãa u'y ma'wẽ yũuni'swa Jesusa' jiyute', txajx tasxte ũukhna yayana kũhçxa peejxũkwek. Sa' nasaa dxi'pte jxuka pta'sxku ãçã'çxa Jesus atxhte jxa'dxçxa' txãa dudtey katxhiçxa neeyũuni's. Txajũ' Jesus we'weçxa': —Katxhi'nja sũhçxane'kwe adx tasxte txã'wẽ yũuya' yuwé' txãa pa'ga ãçxha' katxhi'kwe neeyũu na' weçxana me'jwe jĩk.

Txajũ' Jesusa's fxĩtxtxi na'jĩna: —Kwe'sxtxi jxpe'jsa mkiite, ĩkh dxiikhẽ khẽjẽçtha'w jĩte', Jesus kiiteçxa' wejxaa wala petx ĩkh yã'jçxa yujukaathe', jxuka yujuk, aça' kĩh yuhwamée ewçxáak neeyũu.