Popular Bible Verses from Génesis 13

Share

Na eujã jõmaweda pɨa unu bɨ mɨa teeitꞌee pɨmaa mãikꞌaapa pɨdeepa uchiadaitꞌeerãmaa, ichita iru pꞌanadamerã.

Lot wãda tꞌẽepai, Tachi Akꞌõrepa Abrammaa mãgaji: —Pɨ akꞌɨnɨ̃ bɨmãiipa akꞌɨpáde aji, norte eere, sur eere, oriente eere; occidente eere paara.

Warrarã pɨdeepa uchiadaitꞌeerã pꞌoyaa juasia–e paitꞌee. Audú chokꞌara paraaitꞌee ipu tau nãusaakꞌa. Eperãarãpa ipu tau nãusaa pꞌoyaa juasiadakꞌaakꞌa, mãga pɨkꞌa pɨdeepa uchiadaitꞌeerã pꞌoyaa juasiadakꞌaa paitꞌee.

Maperã ewari aba Abrampa Lotmaa mãgaji: —Mɨ pɨ ome ëreerãda aji. Pia–e bɨ chõodaitꞌee mɨ pɨ ome maa–e pɨrã mɨ ne–animal akꞌɨpataarã përeerã ome.

Mãgá Abram wãji. Mata Hebrón pꞌuuru kꞌaitꞌa banaji. Beeji pakꞌurura jẽra bɨmãi eperã tꞌɨ̃jarapatapꞌedaa Mamré eujãde. Arii Tachi Akꞌõre–itꞌee altar ooji.

Mãga jarakꞌãri, eede pꞌanajida. Maperã Lotpa tꞌɨmɨ́ akꞌɨji eujã jewedaa Jordán to ikꞌaawa bada Zoar pꞌuuru parumaa. Ma jõmaweda pia unuji pania paraada perã Tachi Akꞌõrepa Edende ne–uudakꞌa mãikꞌaapa Egipto eujãkꞌa. (Maapai Tachi Akꞌõrepa waide jõtꞌaa–e baji Sodoma pꞌuuru Gomorra pꞌuuru ome.)