Popular Bible Verses from Juan 10

Share

ʼChi nechɨapari chepari nechɨaitꞌee aupai mãikꞌaapa peeitꞌee aupai; ichiaba ne–inaa jõma pꞌe atadariitꞌee aupai. Jõdee mɨ nama cheji eperãarã pia pꞌanapiitꞌee mãikꞌaapa ichita pꞌanapiitꞌee Tachi Akꞌõre ome.

ʼMɨ chi ovejaarã akꞌɨpari tꞌãri piara bɨkꞌa mãikꞌaapa eperãarã mɨ ovejaarãkꞌa. Ovejaarã akꞌɨpari tꞌãri pia bakꞌãri, chi ovejaarã pia akꞌɨpari, mãga oo bɨ kꞌaurepa piuru pɨjida.

Mɨchideerãpa mɨ pedee kꞌawapata mãikꞌaapa mɨa ãchi kꞌawapari. Mapa ãchi mɨ tꞌẽe nipapata.

Mɨa ãchi o kꞌachiadeepa kꞌaripa atapari atuanaadamerã; jĩpꞌa ichita chokꞌai pꞌanapataadamerã Tachi Akꞌõre ome. Apidaapa ãchi pꞌoyaa jãri atada–e pai mɨ juadeepa.

Mɨda aji, puertakꞌa bɨ. Mɨa eperãarã o kꞌachiadeepa kꞌaripa atapari tꞌĩudamerã mɨchi jua ekꞌari mɨchideerã ome. Oveja akꞌɨpari pia bɨpa ichi ovejaarã akꞌɨparikꞌa, mãga pɨkꞌa mɨa mɨchideerã akꞌɨpari mãikꞌaapa kꞌaripapari pia pꞌanapataadamerã.

ʼOvejaarã akꞌɨpari tꞌãri piara bɨpa ichi ovejaarã pia akꞌɨparikꞌa, mãga pɨkꞌa mɨa mɨchideerã pia akꞌɨpari. Mɨ Akꞌõrepa mɨ tꞌãri kꞌawa bɨ; ichiaba mɨa pida mɨ Akꞌõre tꞌãri kꞌawa bɨ. Mãgá ichiaba mɨa mɨchi ovejaarã tꞌãri kꞌawa bɨ mãikꞌaapa ãrapa pida mɨ tꞌãri kꞌawa pꞌanɨ. Mɨchi kꞌapꞌɨa peepiitꞌee ãra kꞌaripaitꞌee.

Mɨ Akꞌõrepa ãchimaa mɨde ijãapiji. Iru jõmaarã kꞌãyaara waibɨara bɨ. Maperãpɨ apidaapa ãchi pꞌoyaa jãri atada–e pai iru juadeepa. Mɨ, mɨ Akꞌõre ome abapai.

ʼOvejaarã akꞌɨpari tꞌãri piara bɨpa ichi ovejaarã pia akꞌɨparikꞌa, mãga pɨkꞌa mɨa mɨchideerã pia akꞌɨpari. Mɨ Akꞌõrepa mɨ tꞌãri kꞌawa bɨ; ichiaba mɨa pida mɨ Akꞌõre tꞌãri kꞌawa bɨ. Mãgá ichiaba mɨa mɨchi ovejaarã tꞌãri kꞌawa bɨ mãikꞌaapa ãrapa pida mɨ tꞌãri kꞌawa pꞌanɨ. Mɨchi kꞌapꞌɨa peepiitꞌee ãra kꞌaripaitꞌee.

Awaraarãpa mɨ kꞌapꞌɨa peepida–e pai. Ma kꞌãyaara mɨata ãchimaa mɨchi kꞌapꞌɨa peepiitꞌee. Mɨa mãga ooitꞌee mãikꞌaapa waya chokꞌai pꞌirabaiitꞌee, mɨ Akꞌõrepa mãga jara bairã. Iru jõmaarã kꞌãyaara waibɨara bɨ.

Mapa Jesupa ãchimaa waya mãgaji: —Mɨa wãarata jararu. Mɨda aji, ma puertakꞌa, ovejaarã tꞌĩupatamãi.

Mamĩda mãga–e mimiapari jĩpꞌaa ome. Chĩara ovejaarã akꞌɨ bɨde, mãgɨpa ne–animal kꞌachia cheru unukꞌãri, mirudaipari ma ovejaarã kꞌiniakꞌaa perã. Maperãpɨ ne–animal kꞌachia bɨpa ma ovejaarã ũkꞌuru ata chepari mãikꞌaapa apemaarã awara ãyaa jĩchoopipari.

Mãpai Jesupa mãgaji: —Mɨa wãarata jararu. Eperãarã oveja kꞌãipatamãi tꞌĩudakꞌãri, puerta eere tꞌĩupata. Maperã eperã ma puerta eere tꞌĩu–e pɨrã, mãgɨ́ nechɨayaa bɨ.