Popular Bible Verses from Juan 14

Share

ʼMɨ wãi naaweda, parã tꞌãri kꞌãiweepi kꞌinia bɨ. Tꞌãri kꞌãiwee pꞌanapatáatɨ. Mɨa arakꞌatɨapai kꞌãiwee pꞌanapi–e, na pꞌekꞌau eujãdepemaarãpa oopatakꞌa. Mapa tꞌãri pꞌua pꞌananáatɨ mãikꞌaapa pꞌeranáatɨ.

Jesupa pꞌanauji: —Mɨta Tachi Akꞌõre truadee wãpari okꞌa bɨ. Mɨata Tachi Akꞌõre wãarata jarapari. Mɨata eperãarã chokꞌai pꞌanapipari ichita pꞌanapataadamerã Tachi Akꞌõre ome. Mɨ awara apidaapa eperãarã wãpida–e pai Tachi Akꞌõremaa. Mapa mɨdepai ijãadakꞌãri, mɨ Akꞌõremaa wãdaitꞌee.

—Kꞌĩsia paraa pꞌananáatɨ. Ma kꞌãyaara ijãapatáatɨ Tachi Akꞌõrede mãikꞌaapa mɨde.

Mamĩda mɨ uchiada tꞌẽepai, Akꞌõre Waibɨapa pëiitꞌee awaraa Kꞌaripapari mɨ pari; mãgɨ́ iru Jaure. Mãgɨpa ne–inaa jõmaata jarateeitꞌee parãpa oodamerã mɨa oopi bɨkꞌa. Ma awara irua kꞌaripaitꞌee mɨa jarada jõmaweda kꞌirãpadamerã.

Chi mɨ ũraa ũri bɨpa mãikꞌaapa oo bɨpa ma ũraade jara bɨkꞌa wãara mɨ kꞌinia iru bɨ. Mɨ Akꞌõrepa mãgɨ́ eperã ichiaba kꞌinia iru bapariitꞌee. Ma awara mɨa pida iru kꞌinia iru bapariitꞌee mãikꞌaapa irumaa unupiitꞌee.

Mãpai mɨa chupɨria iidiitꞌee mɨ Akꞌõremaa, irua awaraa Kꞌaripapari pëimerã mɨ pari, mãgɨ́ ichita parã ome bapariimerã. Mãgɨ́ Tachi Akꞌõre Jaure. Ichia wãara aupaita jarateepari. Ijãadakꞌaa beerã ome iru ba che–e, iru unuda–e pꞌanadairã mãikꞌaapa kꞌawada–e pꞌanadairã. Mamĩda parã́pata iru kꞌawa pꞌanɨ, parã ome bapari perã mãikꞌaapa parã tꞌãride bapariitꞌee perã.

Mɨa oopariitꞌee jõmaweda parãpa ɨtꞌaa iidiruta mɨ tꞌɨ̃de mɨchideerã perã. Mãgá iru Warra kꞌaurepa jõmaarãpa unudai Tachi Akꞌõre jõmaarã kꞌãyaara waibɨara bɨ. Parã mɨchideerã perã, mɨ tꞌɨ̃de ɨtꞌaa iididakꞌãri, mɨa nejõmaata oopariitꞌeeda aji, parãpa iidi pꞌanɨkꞌa.

—Parãpa mɨ kꞌinia iru pꞌanɨ pɨrã, oopataadaitꞌeeda aji, mɨ ũraade jara bɨkꞌa.

Mɨ Akꞌõre eujãde te chokꞌara paraada aji, ichideerã–itꞌee. Mãga–e pada paara, mɨa jarakꞌaji. Parã naa wãitꞌee te pi–ia oode parã–itꞌee.

Ma tꞌẽepai mɨ waya cheitꞌee parã atade, mɨ ome pꞌananadamerã mɨ baparimaa. Mãgá parã ichita pꞌanapataadaitꞌee mɨ ome.

Mãpai Tomapa mãgaji Jesumaa: —Tachi Waibɨa, kꞌawada–e pꞌanɨda aji, pɨ sãmaa wãru. ¿Sãga chi o kꞌawadayama? aji.