Popular Bible Verses from Lucas 17

Share

Mãpai Jesupa mãgaji ma eperãmaa: —Pꞌirabáiji mãikꞌaapa wã́ji. Pɨa wãara ijãada perã, jɨpa beejida aji.

Ewari abaade pɨmaa ne–inaa kꞌachia ooda siete ooru pɨjida, jarada siete irua jara cheru pɨrã mãga waa oo–e, ichita chupɨria kꞌawáaji mãikꞌaapa ma kꞌachia ooda perdonáaji.

Ma diezdepema abaapa unukꞌãri ichi kꞌapꞌɨa jɨpada, ãpɨtee o–ĩa cheji. Tachi Akꞌõremaa golpe pedee pia jara cheji. Mãpai Jesús kꞌĩrapite bedabaidachi ichi tau bɨɨrɨ eujãde tꞌõbairumaa. Mãga ooji gracias jaraitꞌee ichi jɨpada perã. Ma eperã judio–e paji. Samaria eujãdepema paji.

¡Kꞌĩrakꞌaupai parãpa mãga oodai! ʼAwaraa ijãaparipa pꞌekꞌau kꞌachia ooru pɨrã, ɨtrɨ́atɨ. Mamĩda irua pꞌekꞌau kꞌachia oo amaa bɨ pɨrã, chupɨria kꞌawáatɨ mãikꞌaapa ma kꞌachia ooda perdonáatɨ.

Mãpai Jesupa mãgaji: —¿Diez paji–ekꞌã aji, jɨpa pꞌaneedapꞌedaarã ãchi kꞌayaadeepa? ¿Sãma pꞌanɨma apemaarã nueve?

Jesupa pꞌanauji: —Mostaza tau pꞌisi kꞌedee mĩda, waibɨadaipari pakꞌurukꞌa. Mãga pɨkꞌa ɨ̃rá parãpa wãara ijãaruta pɨrã, ma–ãri pida, ne–inaa oodai Akꞌõrepa kꞌinia bɨkꞌa. Waapɨara ijãadakꞌãri, ne–inaa waibɨara oodai iru–itꞌee. Mãga pꞌanadakꞌãri, na nejõ bɨɨrɨmaa jaradai: “Jãmãikꞌaapa ãyaa wã́ji mãikꞌaapa pꞌusa jãde baaináji.” Mãgá wãara ijãarutara, ma nejõ bɨɨrɨpa ooi parãpa jararutakꞌa.

Eperã piuamaa bɨ pɨrã mɨde ijãapari kꞌaurepa, mãgɨ́ piukꞌãri atuaitꞌee. Mamĩda eperã piuru pɨrã mɨde ijãapari kꞌaurepa, mãgɨ́ eperã piukꞌãri, ɨtꞌaa wãitꞌee.

Jesupa mãgaji chi kꞌõpꞌãyoorãmaa: —Na pꞌekꞌau eujãde ichita pꞌekꞌau kꞌachia paraaitꞌee. ¡Mamĩda Tachi Akꞌõrepa kꞌachiadee pëiitꞌeepɨ chi eperãpa pꞌekꞌau kꞌachia oopi bɨ awaraarãmaa! Piara bakꞌaji kꞌũruma iru otaude jɨ̃ atadapꞌeda, pꞌusa jãde batꞌatꞌaadaitꞌee, ichia na warrarãmaa pꞌekꞌau kꞌachia oopii kꞌãyaara.

Noé bada ewaride pꞌasadakꞌa, mãga pɨkꞌa pꞌasaitꞌee mɨ, chi Eperã Akꞌõre Truadepema waya chekꞌãri. Maapai eperãarã nekꞌopachida, ne–inaa topachida mãikꞌaapa miakꞌãipachida Noé ichi barcode bataurumaa. Mãpai kꞌoi che nɨ̃beeji, na pꞌekꞌau eujã ũudachi mãikꞌaapa eperãarã jõmaweda kꞌiniidachida.