Popular Bible Verses from Jon 12

Share

“Yumob sabi? If yumob wandi wek blanga mi, wal yumob garra bulurrum mi. En eniweya mi go, main wekinmen olabat garra jidan deya garram mi. En main Dedi garra lidimap haibala enibodi hu jidan wekinmen main lagijat.

“Yumob sabi wanim mi toktok? If enibodi laigimbat im ronselp iya langa dijan wel, wal im kaan abum det olagijawan laif. Nobodi kaan abum det olagijawan laif. Oni detlot pipul hu nomo laigimbat olabat ronselp garra abum det olagijawan laif.

Afta na Jisas bin kipgon tok langa ol detlot pipul deya, “Wal yumob jinggabat ola sid daga na. If yu abum wanbala lilwan sid daga, en yu nomo pudum im insaid langa graun, wal det sid daga jidan miselp. En if yu wandi abum bigmob sid daga brom det wanbala sid, wal yu garra pudum det sid insaid langa graun, en det sid garra dai basdam, en afta im garra kamat igin, en im garra abum loda daga. Bat if det sid nomo gowin langa graun en dai, wal im kaan abum enimo sid daga.

En aibin kaman iya langa dijan wel jis laiga lait wulijim detlot pipul hu bilib langa mi kaan kipgon jidanbat langa dakbala.

En if enibodi irrim main wed en nomo duwit, wal ai kaan jadjim im, dumaji ai nomo bin kaman langa dijan wel blanga jadjimbat pipul. Aibin kaman blanga seibum olabat.

Wal Meri bin gajim sambala gudsmelwan medisin gulum nard. Detkain medisin bin kos loda mani, en Meri bin go langa Jisas, en imbin spilim det medisin langa Jisas fut, en afta imbin draiyim im fut garram im heya. Wal det smel blanga det medisin bin go ebriweya langa det haus

en deibin go blanga midim im langa roud, en deibin jinginatbat, “Melabat preisimbat God, en melabat askim im blanga album dijan iya king blanga ola Isreil pipul en blanga meigim im brabli gudbinji, dumaji God na bin jandim im.”

Wal Jisas bin dalim dubala, “Det rait taim bin kaman na weya God garra shoum ola pipul mi na det Speshalwan Men en mi brabli haibala.” Lagijat na Jisas bin tok.