Popular Bible Verses from Matthieu 24

Share

Hazu dea gdangamɔ beyɛbhi pentɛ, hio dɔka wi lɛm ngoy may fin na. Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.

Nɛ ɛ bebul *Dede Wen *Kongakandɔ pɛ Sɔ dam nzan fɛt tuka nde, hio wi mɔ hio kandɔ fɛt aze yo. Hapata, kpogio ngimɔ behɔ.»

Nɛ ɛnɛ beze wen bulo ka ɛ bi sanga-sanga mana nɛyɛa. Ka sila ɛnɛ abhunziki na. Hazu, lɛma ka nde, mɔ ndɔng ahɔ. Ma, yo tɛ bo ka nɛ kpogio ngimɔ na.

Ma kandɔ begutɛ nɛ bulo sungiri nɛ ma mbinga. Nɛ ma *kongapora begutɛ nɛ bulo sungiri nɛ ma mbinga. Ha hio bhandi nɛtɛ-nɛtɛ ginga foto betek, nɛ nu beyak nɛngaya. Mɔ ndɔng fɛt bedung tuka bosi yimtɛ bio bhɛ.

Ngɔn nɛ nu bepen. Ma, hio wen pɔm lɛm pen ndang na.»

Hazu dɔka wi betɛ nɛ ling mi, nɛ mbwa betɔ: ‹Mi nê *Mesi!› Nɛ mbwa beosili dɔka wi.

«Ha ngimɔ ɛngi, ɛ beba ɛnɛ mɛ yukiti nɛ mɛ gbɛ ɛnɛ. Hio kandɔ fɛt besɛn ɛnɛ hazu ɛnɛ mɛkara mi. Nɛ dɔka wi belak mɛkara Sɔ gde. Mbwa begde may ha kita, nɛ mbwa besɛn may. Dɔka *wan-tɔkuliwen dalo behɔ nɛ mbwa beosili dɔka wi.

Nɛ Jésus kiforo wen ha mbwa: «Ɛnɛ pangay, ka ma wi aosili ɛnɛ na.

Hazu ɛngi, ɛnɛ fin, ɛnɛ dung gdungɛ-gdungɛ hazu mi, Bewei pɛ Wi, behɔ ha ngimɔ ka ɛnɛ takiri ang na.»

Mɛgi, ɛnɛ yang la, hazu ɛnɛ ing yala ka *Kongawan pɛ ɛnɛ betɛ nɛ na.

«Ma wi ndang ing yala nɛ ngimɔ ka mɔ ndɔng behɔ na. Ngase hio *telenge ha ngɔn, ngase mi, *Bewei pɛ Sɔ, kanɛ Bafa mi sɔna ha ing yo.

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Hio mɔ ka bahɔ ha ngimɔ pɛ Noe, behɔ gbesi ha ngimɔ ka mi, *Bewei pɛ Wi, bekifiri. Sɔngsi ka mbeng li tɛ hɔ na, hio wi ha yɔnga nɛ nɔa mɔ, mbwa dungɔ ha sio may, kanɛ swe ka Noe lea zang kuga. Mbwa tɛ ing ma mɔ ndang na, kanɛ mbeng li hɔa tɛ kay mbwa fɛt pen nɛ. Mɔ behɔ gbesi tuka ɛngi ha ngimɔ ka mi, Bewei pɛ Wi betɛ.